Khizaw asosâh lymâ ta, sôhthih lapangiana chhao a sosâh via lymâ ta. Eima râh liata thyutlia hluhpi ta Internet eima hmâh chakhyhchakhi ngâkaw nota, râh asosâh liatapazy ta cha sôhthih pahao pangia n’awpa ta ama hmâh hai. Cha hry liata Ryan, kô 6-ta uhtheipa he â pie pasu chai ngyu aw. Kô charu deita uhtheipa châpa ta, Youtube Channel tawhta US Dollar 11millions a lapangia thei cha maw!
Forbes Magazine chata kô charu uhtheipa Ryan he kô 2017 liata ‘Highest Paid Youtube Star 2017” tahpa a papuapa liata Ryan nata Youtuber Smosh-zy cha 8-na liata a soh ei.
Ryan he a chhôhkhazy ta YouTube channel miakha Ryan Toys Review tahpa pahypa ei ta. He liana heta hawtipazy châta hmotaopa (Toys)-zy cha phana nata pha lei khopathliahna a hnei tyh. He tawhna heta Subscriber Million hlei hneipa ta, a Video heta 800 Million views-zy a hmô tyh.
Youtube Channel Monetisation he na pahno hra ma?
Eima râh liata hlasathaipa, eima Local Celebrity-zy eima vaw ikhei kaw tyhpa cha Music Video a mâru kawpa ta pachhuahpanoh ei ta, sôhthih lapangia hlei leipa ta Local Demand Channel liatazy nata chyhsa thokhazy ta Youtube liata ama sopa chakhyh thlâh hapa liata eima palôh a tlâhpa he a châ.
He hlâta cha Youtube Channel ama moh ta pahy ei sala, ama Channel cha Monetise-pa ta, sôh khazie rakhama cha ama lapangia thei hr’awpa tlai.
Youtube Channel na pahy tita, Adsense liata Account na Email hmâpa ta tao aw chi ta. Youtube liata na Video-zy cha phusâ lapangiana châta na hmâh thei aw.
Adsense Account he Email hmâpa ta a nao kawpa ta pahy theipa châ ta. Na Adsense Account cha Youtube Channel nahta pazaopa ta, na Monetise thei aw. Views 10,000 na hnei patloh patawnah ta Google Adsense lâ tawhta Email ta approve-na vaw tlô aw ta, na Video zydua na monetise thei khai ha aw. Na Video liata Advertisement ama vaw sopazy tawhta a nao kawpa ta phusâ na lapangia thei lymâ ha aw tahna a châ.
No comments