FIFA World Cup 2018 Russia : Germany ta World Cup nyungiapa ama chalo chanei thei khiah Player pakha lymâ ta 350,000 Euros ama hlao aw

Kô 2014 FIFA WORLD CUP Champion Germany Player-zy cha Germans hâkô Russia World Cup liata ama Champion thei heih khiahta cha Player pakha hnohta 350,000 euros ($411,267) bonus lymâ ama hlao aw, tahpa German Football Association (DFB) chata a phuah. A ei pangawh n’awpa ta Germany heta FIFA World Cup nyungiapa ama chalo khiahta cha Joachim Loew nata a nawhtazy hlao cha kô 2014 FIFA World Cup liata ama hlaopa zie 300,000 euros hlâta ama hlao hluh via ha bâ aw, tahna a châ. Germany heta hâkô World Cup Match tua chaipa liata târi 17 Chhiepa 2018-pa Mexico hmiachhy aw ei ta; Mexico, Sweden nata South Korea zy chhaota Group F liata ama y.