Somalia liata thithlupa ta Bomb-papana liata Police 15 ta hrona ama pahlei

Somalia khihpi Mogadishu liata chyhsa pakha ta Police hawhta â tobipa ta Police Training-na su â ngiapa ta a pôhpa liata Bomb a papana liata Police manôh 15 ama thi. 

Police biephuahtuhpa Major Mohamed Hussein chata he chyhsa heta a pôhpa liata Bomb charypâpa ta General Kahiye Police Training Academy â ngia ta, a chhôh liata Bomb he a papa hapa a châ, a ta. 

AFP ta a palâsana dâh liata Police 15 ta hrona ama pahleipa hleikhôna heta mohropa 17 ta hmah phaoh ei ta. He peihriana he Islamist riahrupa py al Shabaab ta âmo ta ama taopa hawhta ama phuah.