Gujarat Assembly Atlyhna 2017 : Atlyhna chhaih 2-na châta atamy tawhna khata Vote pathlapa a châ

Atamy tawhna khata Gujarat Assembly Atlyhna châta Vote pathlana chhaih nona cha pathaopa châ ta. Vote pathlana he my dawh 8 tawhna khata pathaopa châpa ta, atanoh zâlâ dawh 8 taihta Polling Station 25000 liata Vote he pathlapa a châ aw. Voter 2 crore 22 lakh ypa ta, he hryta 1 Crore 27 lakh he chanô ama châ.

Bia 93 atlyhna châna heta Candidate 851 ypa ta. BJP ta bia 93 liata candidate hneipa ta, Congress heta bia 91 liata Candidate ama hnei. 

Candidate ngiatlâhpa hryta Deputy Chief Minister Nitin Patel cha Mahesana bia liata a duahpa ta, Alpesh Thakor, Congress candidate cha Radhanpur bia liata aduahpa ta, Jignesh Mewani, Independent Candidate cha Vadgam bia liata â duah hra. Congress Legislative Party chhihtuhpa Mohansinh Rathva cha Tribal hluhna bia Chhota Udaipur liata â duah hra.

he hleikhôna heta atanoh heta Atlyhna chhaihkhana liata EVM asupia leina su - Jamjodhpur bia liata, Una polling booth mianopazy liata nata Nijjar Polling Booth miakha liatazy Vote pathla pathipa a châ hra aw. 

Gujarat Assembly Atlyhna he târi 18, Di 2017 khita Result phuahpa a châ aw.