Midweek PREMIER LEAGUE : Manchester City ta 4-0 ta Swansea pahniepa Point 11 ta hmia amâ sah ha bâ

Pakhy zâ Premier League akhaihna liata Manchester City ta â zaopa ta ei 15 pahniena ama tona châ awpa ta Swansea cha 4-0 ta pahniepa ta, Bournemouth pahnietuhpa Manchester United hlâta 11-ta amâ sâh via ha heih.

City châta David Silva ta goal no khôpa ta, Kevin de Bruyne nata Sergio Aguero zy ta goal kha rairie za khô chhipa ta Manchester City heta 4-0 ta EPL liata a ry chaipa duasu a topa Swansea he pahnie ei ta; Pep Guordiola nata a nawhtazy he Premier League liata pahnie leipa hnei leipa ta ei 15 ama sie ha bâ.

Manchester United ta Abeipa noh liata Manchester Derby liata amâ piechheina tawhtapa a taopathipa ta, 1-0 ta Bournemouth pahnie ei ta, Romelu Lukaku ta khaih 10 chhôhta a goal 2-na pangiapa ta United pahniena a tokhei.

Related

• Premier League : Liverpool, Arsenal, Tottenham-zy chhaopa ta Burnley 4-na liata ama y haw

Sam Allardyce ta Everton mohôhna rai a hria tawhta pahniena to pazao lymâ chypa ta Wayne Rooney goal kha hmâpa ta Newcastle United pahnie ei ta.

Leicester boss Claude Puel ta a club parohpa Southampton lâ a kua heihna liata a Club Leicester cha 4-1 ta pahniena tokhei ta.

Tottenham ta Brighton 2-0 ta pahniepa ta Burnley chati pathlahpa ta 4-na duasu ama to ha heih. Liverpool deikua West Brom nahta 0-0 ta a pahniethaipa ta, hmahsiena y mâh vei.

EPL TOP 10