Arsenal nata Czech Republic midfielder parohpa Tomas Rosicky cha professional football tawhta â pahâ haw.
Rosicky heta kô 10 chhôh Gunners châta âkhaih chhôhta FA Cups ei no chalo ta; kô 2006 liata Bundesliga Club Borussia Dortmund tawhta Arsenal â pazao tawhta Emirates tlyliah a palôhpahawh kaw.
Gunners tawhta Football khitlyna a pathaona club Sparta Prague liata a daihti pachhâtuhpa Rosicky heta hmah a phaoh tyhpa chata a pahâ bâ awpa ta a tuah raruah hapa a châ, a ta.
Rosicky heta Sparta Official Website liata, "Professional Footballer châ lymâ awpa ta ei tha nata zâh ta â pha khao vei," tahpa ta, kô 37-ta uhtheipa a châ ha hra bâpa heta, "Ei pôhpa heta khahlâ via tawhta tlyliah liata a piedala kawpa châ khao vana tahpa na pahnosa ha ta. Ei khaihlâhpazy nata Sparta club châta tao theipa hnei muarua khao vana. Football liata ei khitlyna na pathaopatuhpa Sparta club hnohta alynabie reih hmeiseih na ta, Football liata keih ei chakâ pathaona liata na bao ei ta, Football ei pahâsaina liata na pathlietuhpa ama châ ha heih hra."a ta.
- Rosicky heta a râh Czech Republic châta ei 105 akhaih hmâpa ta, ataopasuana laipa 5 liata râh châta âkhaih ha hra.
No comments