 |
| Photo Credits : Getty Images |
Korean Boyband alâluah kawpa Shinee liata alâluah chaipa pakha Jonghyun cha zâhnia khata Seoul liata O miakha liata a theihlô leipa ta hmôpa a châ tawhta thohna-O liata a thi.
Jonghyun, a moh hmeiseihpa Kim Jong-hyun, Shinee manôh papangawh hryta pakha he Shinee Band manôh hryta alâluah chaipa pakha châ ta. He chôchâh palâsatuhpa Korea Herald ta a palâsana dâh ta cha Jonghyun he Seoul liata o miakha liata âtheihlô leipa ta hmôpa a châ tawhta thohna-O ngaikheipa châpa ta, thohna-O liata a hu a chhâ hapa a châ, a ta. Jonghyun he kô 27 deita uhtheipa a châ. Police-zy chata he thina kyh liana heta sasyh hrona alana a châ tlai ma tahpa amâ laichadai aw, ama ta.
Jonghyun duasu he a sietanô ta Emergency Service zy a pahnosa tawhta pahnopa châ ta, thlaita thohna-O ngaikheipa a châ tarawpa ta a hrona he ama pachha hmâ khao leipa a châ.
Jonghyun heta he hawhta a y hlâna heta a sietanô cha ei hluhpi vaw ‘text’ ta, cha hry liana chata "he he ei cha mâphana hnôh chaipa a châ"tahpa chhao â hlao. He Jonghyun thina heta a ‘Fans’-zy a pahlaw ngaita kaw.
No comments