Syria sawhkhâ ta Civil chyhsa 500 a thie

Syrian Sawhkhâ ta sawhkhâ adyuhtuhpazy anyuna, Damascus khihpi kiah liatapa a tahlahnaona liata civil chyhsa 500 ama thi, tahpa Activist-zy ta ama rei.

Eastern Ghouta liata civil chyhsa athipa hryta 121 zy he hawtipa ama châ, tahpa ta chyhsapa adona tovyuh pabohsatuhpa py Syrian Observatory for Human Rights, UK liata supipa a hneipa chata a rei.

Syrian sawhkhâ pheihsaihzy heta Russia baokhâna ry liata a khô hapa Abeipanoh tawhna khata Ghouta liata sawhkhâ adyuhtuhpazy he ziza tawhta zawtheina hmâpa ta tlahnao ta; he tlahnaona vâta rairuna a tlôpa pathlâpazi awpa ta UN Security Council chata akachaheihna y thei n’awpa ta hmahlana a siekhei hai.