US ta North Korea chôta hriena lai viapa chaluah heih aw

United States chata North Korea cha hriena lai viapa - President Trump ta “Hriena lai chaipa” tahpa a reipa hmâpa ta hrie awpa amâ chhuah ha heih.

He hriena heta North Korea liata balyh hmâpa ta sôhdaohpa nata tilaipi liata hmopalypa ta sôhdaohpa company 50 hleikhôta China nata Taiwan liatapazy chhao a pahly aw.

North Korea he Nuclear programme a siekheipa vâta nata missile a mopachhipa vâta khizaw râhzy nata US cheingei chhaota ama hrie haipa châ ta.

He hawhta hriena â tyh haina chô chhao heta zâkô khata Nuclear chhaichhi nata US taihta ka thei awpa missile mopachhi heih ta; he vâna heta hriena lai viapa a chô liata ama chaluah ha bâ heih aw.

US chata North Korea chô liata hriena ama chaluah heih awpa heta North Korea sôhnawh hleikhôta, nuclear programme a siekhei haipa châta meiti â ngiahpazy taihta lapangia thei lei awpa ta ama hrie aw, a ta.

"He hriena heta yzie a hnei heih leipa ta a châ khiahta cha – hriena eima chaluah heih awpa cha chahrâh kaw bâ aw ta, khizaw châta chhao vâdua â chhih kaw aw" tahpa ta, "North Korea he râh kuchha kawpa tlai la a châ. Aryhna a y thei khiahta cha pha chai ta, anodeikua eimâ ryh thei vei khiahta la kheihawhpa hmo ma la a tlô awpa â ngiah aw."tahpa ta US biepuapa chata hmialâ daihti châta biesakâvawna nahcharao kawpa a reihpâ hra.

Hriena ama chaluah heih awpa cha khâpa ma a châ tahpa deikua palâsapa châ vei.