Bollywood actress Sridevi a thi

Dubai, UAE liata ahneina a hlao awpa ta a siepa, Bollywood veteran actress Sridevi cha zâhnia zâ dawh 11 rachhôh khata a châ-ao eikhapi ta a thatlôpa vâta â pahâ. Dubai liana heta Sridevi he a vahpa Boney Kapoor, nata a sawchanô seihnai viapa Khusi zy chhaota sie ei ta. Vâduachhih kawpa Sridevi he â pahâ hapa a châ.

Sridevi â pahâ ha tahpa ama pahno patawnah heta Bollywood star hluhpizy ta taokheina nata ama izie reih papua hôlô ei ta.

Sridevi vahpa unawhpa Sanjay Kapoor chata he chôchâh liana heta, “Sridevi â pahâ ha tahpa he biedopa na a châ. Dubai ei tlô dyuta châ ta” tahpa ta Sridevi he a thi tlaina tahpa a reih hra.

Sridevi heta hawtipa hawhta film â châ pathaopa ta, Bollywood liata actress alâluah chaipa duasu liata a kaw duah theipa châ ta, kô 2013 khata India chyhsazy palyupalihna â sâhpa Padma Shri Award avaw dao ha hra. A thi nona heta kô 54-ta uhtheipa a châ.