Syria buana : UN Security Council ta noh 30 chhôh akachaheihna (Ceasefire) a pyh
Syria râhchhôh buana a tlô haipa liata
zawpizy riethei taona pathlâpazipa a châ thei n’awpa ta UN Security Council
chata lôhraoh kawpa tan oh 30 chhôh a kachaheihna (Ceasefire) phuah awpa ta a
paryhsa haw.
He hawhta a châ nota he akachaheihna heta
riahrupa py thokha a pahly lei awpa vâta ngiaryhna leina deikua a pa-ysa kaw.
Hâta hmiatuapa tawhna khata riahrupa,
sawhkhâ adyuhtupazy yna, Eastern Ghouta cha Syria sawhkhâ heta Russia baokhâna
ta vaw tlahnao ha ta. Chyhsa hluhpi ta hrona ama vaw pahlei hapa a châ. Niebaw awpa
a phahlana nata thohna a mohôhna awpa a y leipa vâta hawtipazy ta tao pachaih
ei ta, rairuna lai kawpa amâ tyh hai.
He hawhta a châ nota, New York liata UN
supipa liata akachaheihna hnei awpa paryhsapa a châ tawhta chhao zawtheina
tawhta atlahnaona pyury thei awpa a y ngâthlâh ha chy, tahpa activist zy ta ama
rei.
He buana liana heta sawhkhâ heta chyhsa 500
ama thie ha bâpa hawhta pahnopa a châ.
No comments