MADC VC ELECTION 2018: INC - 53, MNF - 16, BJP - 3

Mara Autonomous District Council (MADC) ry liata Village Council atlyhna result paláhâhpa a châ.

Hriaheih nohta vote pathlana duty polling party-zy ta Election office tlô pakipa ta, result he á kichochâpa ta zâhnia khata official-ta phuahpa a chá.

VC 91 atlyhna liata INC ta seat 246 lapa ta, MNF-ta seat 123 la ei ta, BJP-ta seat 43 lapa ta, independent 4 ama tloh hra.

Hetana heta INC-heta VC 53 liata sawhkhâna tao ei ta, MNF ta VC 16, BJP-ta VC 3-liata sawhkhâna ama tao hra.

Apahniethaina VC 19 ypa ta, he hry liana heta BJP nata MNF zy he a hluh viapa liata ama hriaparaohpa vâta VC ama lanazie he a pôh via thei hra.

MADC ry liata VC atlyhna liana heta voter 36,861 ypa ta, he hryra voter 28,616-ta vote pathla ei ta, he he zakha liata 77.63 châ ta. Vote tla pha chaina khih he Miepu-I châ ta, Vote zakha liata 93.81 tla ta, vote tla chyh chaina su cha New Siaha West châpa ta, vote zakha liata 65.80 a tla.

VC result phuah hapa liana heta vote reipathi â hnawpa ta Meisavaih West nata New Colony-II tawhta complaint pangiapa châ ta, State Election Commission-ta he he a pachia aw.