WENGER TA ARSENAL A PUASAI HA BÂ AW!

Kô 22 chhôh tlai Arsenal a mohôh tawhta Arsene Wenger chata atahmâ Season a chhâ raohpa ta Arsenal a puasai ha bâ aw.

Wenger heta contract hmâh khai mâh hra vei hrasala, Arsenal biehneituhpazy ta pathlie awpa ta bietluna ama tao hapa alyu kaw.

Atahmâ season liana heta Gunners he sâcharuna liata y ei ta, Champions League akhaih thei awpa ta cha Europa League nyungiapa ama chalo awpa â ngiah ha bã.

Wenger, kô 68-ta uhtheipa heta, Arsenal he Premier League nyungiapa hleikhôta FA Cup nyungiapa ei 7 vaw chalokhei ha ta, kô 1998 nata kô 2002 liana khata nyungiapa sâno avaw chalo pakaoh ha hra.

Arsene Wenger chata, "Kô hluhpi chhôh Arsenal ei vaw mohôhna liata ei ly hmeiseih" tahpa ta, "Arsenal kyhpachâtuhpa zydua sai u, Arsenal club sôhna he vaw khâsia pha kaw muh vy."tahpa ta a pathliena reikah a papua ha hra.