NO-ÂHCHHIHPA : TAMARLANE'S CURSE
Khizaw liana heta kheihawhpa hmo he ma cha anano patluapa na no-âh chhihpa Biehrai asaohiahna chô chhaota a reipasia thai leipa he y ta, a tlô tyhpa a cha.
Chah hawhpazy hrya liata reitheipa cha "Tamerlane's Curse" he a châ hrapa a cha.
Kô Zabi 14 na liana khata Ryureituhpa, chyhsa hrao hmâhpa nata khizaw ta apahno beih lei awpa tluta hrochhiepa nata chahraochatôhpa thatlô tlôh pa, Ganges kha atlupa ta rônahpa y thlyu vei ei, chah paw cha Mongols tawhta vawpaupa châta a moh cha Amir Timur châ ta, Tamerlane tahpa ta pahnopa a cha hra.
Ganges khata EMPIRE pao ha chiehpa cha paduapathi heih a chhuahpa ta. Râh chhao thata la lyma pata, Empire apaduapa chhao lai ngâsâ ta, tahmahla ta South-Eastern Turkey dei châleipa ta Iran, Kuwait, Iraq, Syria, râh zydua pahly khaipa ta, chadei châvei Central Asia tawhta Afghanistan, Kazakhstan, Turkmenistan, Kyrgyzstan, Uzbekistan, Pakistan, India nata Russia taihta a Ryureina(Beina râh/Empire) chata a pahlypa a cha.
China chhao la daihma ta, chahrasala ala hlata pasa paru kawpa ta pasa ta a hri-iah pathaihna cha tla pahnai lyma pata Kô 68 pa chyhsa a chapa ta a thi hapa a cha.
Timur he ta a tlâ thlâh no ta, he hawhta a vaw reih cha mawh!... "Thihna thlâ zohna tawhta ei kawthyu heih ti ta cha Khizaw he chipa ta â chalyu aw" tahpa ta. a Thlâlô liata châ â rohpa chhhao cha notapa vaw châ vei, "Ahy raita ei Thlâ Thobyh he ama pahy khiahta cha, chah vyuhpa ta kei hlâta chyhsa hraotuhpa nata adyu tuhpa (Invader) a aw papua aw" tahpa ta a rohpa a cha.
Kô cha vawsie lymâ ta Kô 1941 liata Russian Expedition team nah chata Tamerlane the Great thlâ cha pahy awpa âchhuah ei ta, chah bie ama pahnopa taw nah cha ta, Samarkand bazaar nata cha su liata ypazy nata Zawpi-zy cha a chalih molo thei khao leipa ei ta, Russian Expedition Team zyta Thlâ ama pahypa a châ khiahta cha ama chô liata hmopha lei ngaitapa Chhiesana atlô aw tahpa ta ama reih hôlôpa a cha.
Châhrasla Russian Expedition Team nahzy cha ta Timur nata ama chhôkha nah Thlâ cha a chu pasia awpa ta ama kho hapa vâta leh a pahy raruah ha ei ta, Timur thlâ eihpa ama pahy pataw nata cha Roh anano ngâsâpa chyhsa châta hu chhao so pha thei lei awpa ta (sharp choking odor of the mixture of resins, camphor, rose and frankincense)cha ama yna sy zydua cha a chaby khai hapa a cha.
Cha hawhta Timur thlâ ama pahy tawhta noh 2 na liana chata rei chhieliena nata adyu phuana y chhielie rai rai leipa ta GERMAN/HITLER cha ta, USSR cha ei khapi ta adyuh chaimâh ta chyhsa thipazie chhao rei theipa cha vei tahpa eima pahno khaipa a cha
Cha dei châ leipa ta no-âh a chhih ngaitapa y heihpa cha, Timur ri Thobyh cha pabu heih ei ta, ama pabu tawh a rei leipata liata avaw dyuh tuhpa nah (Invader) chi achhi ngâsâpa nah Hitler pheisai-zy cha Stalingrad liata Soviet pheisaih nah chata vaw pahnie ei ta, ama chadai palie ha heihpa a cha.
He hmo tlôpa he Tamerlane's Curse tahpa ta pahno ngâthlâh hapa a vaw cha haw.
- MWG
