CBSE Class 12 Topper a pa-aosao!

CBSE ry liata class 12 results phuahpa a châ tawhta noh rei chhao sie mâh vei, West Tripura tlâhthlôh cha thâtih lôhiah a chhih kawpa ta chahryh ta, class 12 CBSE state topper Lahiri Debbarma ta anosasyh hrona lapa ta â thie, tahpa chata buakha chhôhta West Tripura doh nata hâ a chahryhpâ ha. He hmo he May 25 nohta a tlôpa kha châ ta. Lahiri Debbarma he Auxilium School, Hazamura tawhta CBSE State topper a chã.

Biehnawhta a palâsana dâh ta, Lahiri nata a viasa papalihzy he târi 24-pa khata Big Bazaar, Agartala Post Office kiahpâh liatapa liata ama siku ta a pathliena ama pachhuahpanoh awpa liata ama hyutuhnah châta hmopie awpa chaleì ei ta. Daoh vaihtuhpazy ta a sahria he daoh ama pua hlâta vaw mohpasia ei ta, a chhôh liata chapaw pitlohpa viahkao ama hmô. Lahiri heta he viahkao he kheita ma a sahria liata avaw y thai tahpa a pahno leizie a reih ngâkawna chôta daoh vaihtuhpazy heta a nô phone awpa ta chho ei ta, a phone lei khiah Police ku liata ama pie aw, tahpa ta ama pachhipary. Big Bazaar daoh vaihtuhpazy heta Lahiri he ama siku lâ a chhi ei ta, ama Principal ta athata a ra hra.

He hmotlôpa vâna heta Lahiri he athata a hnabeidy ta, he noh zâlâ heta cha ahy hmahta bie a chho hra vei. A mylâ 25 my dawh 9-pa liata Lahiri he a manô ta a chhôhpadâhpa liata a pa-aosao chiehpa ta a kei hmô hapa a châ.

Lahiri thina chôchâh liana heta General Secretary of Twipra Students Federation (TSF), Sunil Debbarma chata he thina he a phapa ta alaichadaipa a châ lei khiahta la Tripura state a ôpa ta palôhtlâhleina palâsapa a châ aw, a ta.

- North-East Today