International Market liata 'Made in Maraland' - Dr.Sasa
Mongyu beipa nahta eimâ pakyhna daihti liata Myanmar Issues, National, State nata Local issues hluhpi eima reipa hryta Chin State, Maraland liata Textiles Products ( Chysia) taona padua awpa he eima reipa a châ. Maraland ta a taopa products a hnei awpa he Maraland aduapapua thei n'awpa châta avaw peimawh ngaita kawpa a châpa vâta he bie he avaw puapa a chã.
Maraland tawhta International Market lâta a tlô thei awpa hmo zy cha Chysia ( Textiles) zy, Tipathaibpa ( Drinking water) zy, Coffees zy, Thopihaw ( Tea leaf) zy, Grape thei & kresawti (wine), Dedawbia zy nata seihsabyh (Beef tin), Theilâpati ( Fruit Juices) zy he pachâpa châ ta; he zydua hryta atahmâ bawlaw ta International Market tlôkhei awpa duahmo a châpa chaTextile chysia he a châ. Khih tota Marapa nônah hluhpi cha thaisa thai ei ta, chysia bie thai ei ta, ama tao thai.
Textile Products International level liata chysia design nata taona liata nôpawpa Pino Shoshana nata sahlao zy ta he meeting he amâ hlao. Royal Founding Patronage liata CEO châ ta, a vahpa he Mongyu sawhkhâ liata Minister a chakao haipa a châ. Mongyu beipa hruana papeimawhsapa ta he meeting he avaw hlaopa a châ.
Pinô Shoshana nata sahlao zy cha Afghanistan râh liata Afghanistan traditional dresses textiles chysia zy he international standard ta ama products thei n'awpa ta vaw chhihtha ei ta, textile products chysia taona liata Afghanistan nônah zy ku lâta US Dollar 5 Millions hlei avaw tlôkhei hapa a chã.
Textiles Products chysia ( Made in Maraland) International market liata âvaw luah tita cha KHAZOHPA moh reithai awpa he atahmâ tawhta â mã chiehpa ta y ha ei su uh. He saduthliena zy hlaotloh thei n'awpa ta 2018 kô chhâ hlâ heta Pinô Shoshana nata a sahlao zy cha Maraland ama vaw tly bâ awpa a châ.
Mongyu beipa zy O chhôh lâ miah achhi ta, mongyu beipa zy phahnaingiahna eimâ phuh lei ngaita kawpa byhnâ miah patosatuhpa KHAZOHPA moh cha rônah mawh sy. AMEN.
