ARTICLE : CHANÔ HLÂTA CHAPAW Â SÂH VIA MA?
Chanô hlâta Chapaw a sâh via ma?
****************************************
- By Vatlô Fachhai
#Izarel nawh Background:- Izarel mo he chanô hlâta chapaw a pasâhsa viapa châ ei ta, chanô zy he maluh reina liata pahlao veih ei. Sahro awhva tlu ta ama vaw hmôpa ama châ. Tovyu pha viapa nata su pha viapa su maih liata chapaw eih a vaw pachâsa khai haw tyhpa ama châ.
#Marapa Background:- Mara mo chhao pi chanô hlâta chapaw pasâhsa via haw hra pita, Chanô zy he ryu patosa thei lei kha pi ta, châ pachusana kyh liata chanôzy he Hlâbu Biehra mothaina hrakha â daih tahpa ta py- 3,4, taih deita zapachusa ei ta, Chanôzy he la dyh ama châ khiah chapaw eih (mo hropa eih) ta pachâna palôh a vaw hneipa châ pita, tovyu pha viapa nata su pha viapa maih liata chapaw ta su eima vaw la khai haw.
Khazohpa ta chyhsa ataona (At 1:27):- #Khazohpa ta Chapaw (Âda) tao tua ta (1 Tim 2:13), Âda kârupa ta Chanô (Ivy) taopa (At 2:23) a châpa vâta chanôzy he chapaw hlâta ahnai viapata nata mopahnai viapa ta a vaw hmôpa nata a pachâpa 90% eima châ thlo aw.
#Ivy (chanô) tana yzie cha “baotuhpa-helper” tana a châ. A yzie cha Chapaw (Âda) abaotuh awpa châta taopa a a châ.
#Ivy he baotuhpa a châpa vâta chapaw hlâta ahnai viapa hawhta apachâpa maih ama su chhei khai haw. “Ama baotuhpa” nata a baotuhpa” pa (2) liata kho pathliah tua sila, bao angiatuhpa he a chietlâh leipa? rai chybia apahno/athai leipa âh eipa, rai apahnie thei leipa tlyma sâkha kha vâta bao awhpa a ngia ta, baopa a châ (ama baopa a châ). Abaotuhpa he cha, khapa hmâh option y leipata ahnatlâ aphapa, rai apahniepa (strong) ..etc a châpa vâta chyhsa abao theipa a châ.
#Chakhiah “ama baotuhpa châ awpa” ma na châ kho via? “Abaotuhpa châ awpa maw?” Abaotuhpa châ awpa he atly thlâh pi va cha!!! Abaotuhpa he chanô châ ta ama baotuhpa he cha paw a châ.
#Chanô hlâta chapaw â sâh via/ama sâh via eima tah khiah la, Chapaw hlâta chanô a sâh via/ama sâh via tahpa aoki ta rei theipa a châ.
#Ahmeiseihpa ta cha chapaw nata chanô ahnai via, a sâh via tahpa y leipa ta eima châna dua su chyu liata eimâ sâh khai. Chapaw = Chanô (chapaw nata chanô duasu he phie âkhô) (Matt 19:4).
#Chanô zy he su phapa pie via laih sila, daihti tovyuh chapaw nata âtlâhkhapa ta patosa lai hra sila, …etc, chapaw nahta chanô duasu pakho lyma awpa châ mawh sy.
#Atahmâ chhâta chanô amopahnai nga chypazy, chapaw apasâhsa viana nga chypazy ..etc eima y khiah pihpathi khai ba su vy.
