Croatia ta England 2 - 1 ta pahniepa ta Final amâ ngia

FIFA World Cup 2018 : Croatia ta England pahniepa ta Final amã ngia haw

Croatia chata ama râh thâtih liata a eikhana awpa ta FIFA World Cup final amâ khaih bâ aw.

Mario Mandzukic ta minute 109-na liata Croatia tlôna goal khôpa ta, Semi Final ei 2-na liata 2 - 1 ta England pahniepa ta, Final liata France ama hmiachhy bã aw.

England heta Kieran Trippier goal hmâpa ta minute 5-na liata hnia a sahpâ ha ei ta, 1st Half chhôh cha amâ khaih pha kaw. Anodeikua 2nd Half tawhta ama tactic ama pananopa, defensive lâta amâ khaihpa cha taopa ta, minute 68-na liata Croatia ta Ivan Perisic goal hmãpa ta a zâ pasu ei ta; daihti chhâ ta, 1 - 1 a chã. Extra time liata minute 10 a y bâ tahpa liata Mario Mandzukic ta Croatia tlôna goal a za khô hapa a chã.

Târi 15, July liata Final akhaih awpa cha France nata Croatia zy ama châ ha bã.