ARTICLE : MARA REIH ACHU SUH VY

BY AZ ZESE, SIAHA

'H' baina eima sia via thei nawpa ta...

He hawhta pamosana vaw tao sih la....

1. Sâ (noun)     aony sâhpa, E=m  key
2. Sâ  (noun)    a liahpa, D= r  key
3. Sâh (verb/noun)   à naipa,  C= d key

'H' he aony à naipa liata eima bai tyh...

Pamosana he hawhta....

1. Sâ = Na Sâ kha khazia na tai/chakie haw?
(Noun = Sâ/hair)

2. Sâ = Na Sâ a pasa tyh khiah, Dawhty thlai ta pamosa ma y...
(Noun = Sâ/pile)

3. Sâh (verb) =
A.    Pazô ei Sâh
B.   Chakeih cha a sâh paro/thapi kaw.
(Noun = Sâh/Rice)

1. Sa
2. Sa
3. Sah
Luhkhu leipa....

Pamosana....

1. Sa = Pahámy cha Sa eimà hmie lei khiah, apakhy taih eima my daihmá tyh.
(Noun = Sa)

2. Sa = O ei sa.
             Hla a Sa thai kaw.
(Verb = Sa)

3. Sah (Adjective) = Meitipo lia chhao hmah, a Sah chaina District liata ei y tlamaw aw tahpa ei vaw chi kaw.

Ô   (aony sähpa)
Ô   (a liahpa)
Ôh (â naipa)

1. Ô = Karaoti a pa- ô
         
2. Ô = a). He zydua he ei ráh ta a ô khai....

b). A thina a rei ha vàta a ô khai ha....

(Noun = Ô-khaih, Ô - pyh)

3. Ôh = Karaoti he a ôh liata vaw ryh khai ma y...

Mara reih achu suh vy 2

1. Na   (Pronoun)
2. Na   (Suffix)
3. Nah (Noun/Plural/Conjunction)

Eg:-

 1. Na (Pronoun) : Na tao thei lei awpa hmo reih khao khâ.

 (He liata Na he chyhsa moh vyuhta aduahpa (pronoun) a chá váta khàpa word ta hmah roh pazao lei awpa...)

Natao thei....✖
Na tao thei✅

2. Na (Suffix) : Ei pahràna
Ei yna

(He liata Na he cha pronoun chà khao leipa ta...bie eima reipa hnòh liata a y vàta nata ano deita ta a y khiah yzie a hnei thei khao lei awpa váta roh pazao awpa a chá...)

Na hro na✖
Na hrona✅
Na theina
Na kyhpachàna, etc...

Bie a hmia lä liata a ypa khi pronoun chä ta,,,a hnóh liata a y khiah suffix.

Na heta noun a tao tyh tahpa na pahno thei aw....

Kyhpachâ
Kyhpachâna

Pha
Phana

Hro
Hrona

3. (a) Nah  (Noun) : Na nah a pha lei khiah, Dawhty thlai pamosa mah y...

He liata nah he nahkao=pyu theina (ear=hear) reina a chá.

(b) Nah (Plural):
Hyutuhpa nah ta ama reipa cha hawti zy ta ama tao cheingei tyh..

Hyutuhpa nata ama reipa cha......✖😃

 Pheisaih
Pheisaih nah(zy)

(c) Nah (Conjunction) : Khazohpa ta nâ nah kei maniah a khoh /â tlyh....

(He liata Nah he bie pazaona chàta hmápa a chá váta Conjunction a chà).

 Mara reih achu suh vy 3

1. Tu (noun)                     E=m key
2. Tu (Verb,adverb)         D=r key
3. Tuh (suffix)                 C=d key

1. Tu (noun) : Na tu saw nahzy cha ama pha/tlâh no a châ ma?

2. Tu (verb) :
a). Ahy ta a cha tu
 b). Na chi tu-pa cha a pyuh pha ma?

2. Tu (Adverb) : Zähnia kha la, noh a palo tu vâta raihria thei ma pi...

A pasa tu ha.
A chakua tu ha.

3. Tuh (suffix) : (He he verb, adjective tlyma nata roh pazaopa tawhta Noun vaw puapa a châ.

Parao
Paraotuh(pa)    (noun)

Chalei
Chaleituh

Zuah
Zuahtuh(pa)

Pachha
Pachhatuh

Tuh tlyma tuhpa tahpa heta ano deita ta a y khiah yzie hnei leipa ta, verb tlyma adjective nata eima roh pazao nah ta, yzie hneipa ta a pua tyh...chavàta Tuh he suffix chá ta, noun taotuhpa a chà.

Chavàta tuhpa tahpa he roh pazao lymà awpa....

T'u tahpa he y heih ta,,, he he cha "Teh u" tahpa a chyuna zie ta ropa tlà a châ....

Vaw tao teh u
Vaw tao t'u..

Mara reih he a hneirô kaw..4

Double noun

Läpi-sinô
Chiatlao-chiavoh
Thlohmia-thlosâh
Sapi-sary , etc.

Double verb

Chapie-chapâ
Pathluah-pathlâ
Pasie-pasâ

Double Adjective

Mapi-malai
Chakhyh-chadawh

(Hmo na tao chakhyh-chadawh tu ha)....

Hmo moh/ chyhsa mih liata "H" bai peimawhna

Moh pathaih
Mopathaih

Moh pathaih - Khazohpa moh a pathaih zie reina...

Mopathaih - sapa nata thlahpa liata chyhsa pathaihpazy reina

Pathaih (Noun)
Pathai    (verb)

Pmsn:

Pathaih : Na moh pathaih châ tlòh,, na hro nah ta ,,âkhyh lei kaw..

Pathai : Thlaohmiah hyh ;chaizöh ta a pathai.

Löpha
Lôhpha

Pmsn :

Lôpha : Chavah lô  tlyma lô hrahro pha zie reina a châ...

Lôhpha : A palôh phazie reina a châ.

Mara reih achu suh vy 5

 "-" hmâ byuhna nata byuh leina...

Vaw pahrua t