BJP Sawhkhâ ngãleina 'No-Confidence Motion' atanoh
Atanoh he BJP ta India liata sawhkhâna ama tao tawhta, No-Confidence ama hmiachhyna ei 2-na ama hmiachhy heih aw.
AB Vajpayee daihti no khata Opposition lâ tawhta No-Confidence Motion a ngiakhei ei ta, châhrasala AB Vajpayee sawhkhâ ta pahniena a to pyly. Atanoh chhao he Opposition ta No-Confidence Motion a ngiakhei heih aw ei ta, Lok Sabha MP 273 a hneipa hleikhôta ama hrialãhpa MP zy nahta reipâpa ta MP 314 a hneipa BJP Sawhkhâ ngâleina a ngiakheipa he pahniepa a y heih pyly na ta pangiasapa a châ.
He hawhta a chã nota, No-Confidence Motion Debate liata Sawhkhâ haipa cha biereina daihti dawh 3.5 chhôh piepa ama châ nota, Opposition zy cha minute 39 piepa ama châ.
Opposition zy ta sawhkhâ ngâleina amã ngiakheipa liata hiahrihna ama tao awpa pangiasa viapa zy :
1. Sawhkhâ heta India Economy duasu siahliapa he ama palâsa ngãh hmeiseih ma? BJP ta hmahsiena bie amâ taih ngãkaw nota, lyutaopazy palôhtlãhleina nata riethei taona hluh via ngâkaw ta, kuraihriapazy lapangiapa chyh via ngâkaw ta, hmotaopapuapa chhao tla pahnai via ngâkaw ta, rai hmôna (Job matket) hra chhie via ngâkaw. Cha thota Phusâ thiepa (Demonetisation) ta India Economy khatluta a parao tahpa a sia kawpa ta palâsa ngãhpa a chã ma?.
2. Kô thôh chhôhta zawpi ta chyhsa ama thie hapa pôh via ngâkaw ta, he atlâhpipa ta chipho lai viapa nata zyhna py lai viapa zy ta a chyh viapazy tlahnaona chã via chai ta, he hawhpa athietuna pahlei awpa heta sawhkhâ ta kheita hmahla â chhuah? A pachâ peimawh hmeiseih ma?
3. Zyhna py chyh viapazy tlybaina kyh liata BJP Minister zy taihta reikah ama pathlie tyhpazy, PM Modi taihta Congress cha Muslim Party tahpa ta zyhna py likah liata a hmôthaileina patlôsa theipa reikah a pathliepazy he hmodopa a châ ma?
4. BJP Sawhkhâ Foreign Policy liata a hlaotloh leina he taopathi achhuahna a y ma? Eima Opa China nata Pakistan zy nahta eimâ zaokhina rao via ngâkaw.
5. Kashmir mohôhna liata a hlaotloh leina he sawhkhâ ta kheita a reihpasia aw? Buana nata peihriana pôh via ngâkaw.
6. Aadhaar, _12-digit unique identification number_ chôchâh liata mopakha thâtih phuahzâhna nata âdo leipa ta mopakha châna hmâchhei theina a ypa he kheita ama reihpasia aw?
7. Sasyh biehneina hneipa ta a mohôhpa - CBI, Election Commission zy taihta khodâh hawhta pahiepahâ thei awpa duasu liata ama y haipa he BJP heta kheita â chhy aw?
8. Achuna kyh liata UGC a phiepazy nahta, University chhao a duah mâh leipa, JIO zy _Eminent_ châna a piepa he kheita a reihpasia aw?
Etc..etc..nahthlie a pha kaw aw!!
