EPL Pre-Season : Manchester United 1-1 Club America

English Premier League 2018-2019 Season châta achhuahnohna ama hnei haipa liata, Manchester United cha zâhnia Pohbie noh khata Mexican Club, Club America nahta Arizona, USA liata akhaihpa ta, 1-1 ta amâ pahniethai. United manager Jose Mourinho chata he a pahniethaina heta, Season thiehpa châta â mâ awpa ta maniah pasyu aw, a ta.

United heta si phaoh tua ei ta, minute 59-na liata Mexican club châta Henry Martin ta za khô ta, he he Juan Mata ta minute 78-na liata a zâ pasu.

United he FIFA World Cup liata akhaihpa Player peimawhpa a hlao leipa ta a khaihpa châ ei ta. Paul Pogba, Romelu Lukaku, Jesse Lingard nata Marcus Rashford zy a hlao vei ei. Âmo hleikhôna heta David de Gea, Nemanja Matic nata Brazilian ama lapangia thiehpa, Fred zy chhao y leipa ei ta; Alexis Sanchez akhaih hra vei.