Japan liata vâsuahpa ta chhiena atlôkheipa liata chyhsa 100 ama thi ha

Photo : AFP

Japan notla bia lâta athata vâsuahpa ta leichopa nata tilapia atlôkheipa vâta chhiena a tlôpa liata chyhsa 100 ama thi ha, tahpa Japan sawhkhâ chata a phuah. He hleikhôna heta chyhsa 50-zy cha ama yna chybia pahnopa châ mâh vei, tahpa Japan Times thâtihbu ta a palâsa.

Pohbie noh tawhna khata kôhro ta vâsuah tyhpa hlâta a liethôhta ru viapa ta avâ he suah ta, chavah ti a lai lymâpa vâta chyhsa maluh thysâh 2 (2 million) zy cha su a boh viapa lâ ngai awpa ta pachhapapuana rai hriapa a châ hra.

"He hawh tluta vâsua rupa he vaw pahno beih ma pi," tahpa ta nohkhih saichhielietuhpazy ta ama rei. Atamy (Hriatua noh) chhao khata chiatlao-chiavo hryta pachhapapuana rai he hria pazao lymâ heihpa a châ.