Nirbhaya patupakhituhpazy pa-aosao aw - Supreme Court

Supreme Court of India ta kô 2012-pa December noh 16-pa ta Delhi khihpi Bus chho liata sikuhati chanô kô 23 uhtheipa apatupakhtuhpa chyhsa 4-pa zy cha Pao-aosaopa ama châ aw tahpa bie aphuah.

Zakô lâ liana kha hrochhoh ta Lô-O patah awpa biechhana taopa châ ta. Atanoh ta biepathluna he Chief Justice of India Dipak Misra chhithana ry liata biechhana taopa a châ. He chanô ‘ Nirbhaya’ tahpa ta pahnopa patupakhina lia he chyhsa 6 châ ei ta. Bus Driver he Lô-O chhoh liata ano sahsyh ta apa-aosao ha ta. Hawti kô 18 atlo ah leipa ahlao hrapa cha, Juvenile Home liata kô 3 mohôh khai tawhta papuapa a châ hra.

Atanoh ta Court ta pa-aosa awpa atahpa zy he, Mukesh, 29, Pawan Gupta, 22 , Vinay Sharma, 23 nata Akshay Kumar Singh, 31-zy ama châ.