Article : 'Rome liata na y khiahta la, Roman zy taozie ta tao hra ma y'

By K.Vabeihmôsa

"When you are in Rome, do as the Roman do"

Meghalaya State, Shillong liata y pi ta, ama reih bâh ta thai pi ta, ama reih lâ tawhta hotel-pati daohzy, Thopi daohzy, hmo chaleipa liata zy, admission lana liata zy ta ama reih eima va cheikheipá laih tyhpa cha amâ ly kaw.

Ama vaih liata eima ypa maniah ama dao ngâsâ hra. Buana a y khiah maniah ama reikâ ha bá.

Aizawl tlô heih pi ta, buakha châh pi ta, Mara ma, Lai ma nama châ maniah tah ei ta, Mara tlai eima châ a tah pi ta, ama reih eima cheipa heih cha amâ ly kaw hra. Thokha a ngâpâkawpazy deikua Mizo reih nama kâpia thei dâh cha maniah ama tahpâ tyh. Thokha a so viapazy deikua ama reih a châ leipi, nâma chhao ama reih na thai hra ma, tlao amâ tah tyh.

Mara râh Siaha, Tipâ zy lia deikua cha ,   khai! keimo ta ama reih (Mizo reih) va cheikheipâ, va hmâkheipâ, vâ chukheipâ, Mizo tawng na thai lei dâh cha tlao a tahsapâpi, bua thei dâh, ei novâh thai tyh khao vei!