WWE Star KANE cha MAYOR ta atlyhpatlohpa a châ

WWE Superstar KANE tahpa ta eima pahnopa, "The Red Machine" tahpa ama aw tyh hrapa, Wrestler Undertaker nahta unawh hawhta WWE liata eima hmô tyhpa cha Politics liata chhao a hlaotloh kaw. USA liata Knox County, Tennessee MAYOR châta atlyh patlohpa a châ.

Kô 51 ta uhtheipa, 6ft 8inches ta â sâhpa Kane, a moh hmeiseihpa Glenn Jacobs he Republican party Mayor candidate châpa ta, pahnie kawpa ta â kholâhpa Democrats Linda Haney cha vote thy 3 hleita a pahnie.

Kane ta atlyhna liata a campaign-na biepipa cha, "Tax pahnai awpa, infrastructure liata hmahsiena tlôkheipa nata ryureina a lâpahliepa" a châ.

Kane heta Knox County a mohôhna liata a khodâh hawhta a y leipa cha a "CHOKESLAM" tlamaw ei, tahpa chi â chhih kaw.