India Education System taopathi awpa ta cha sawhkhâ siku ngâlâh y sala - Sonam Wangchuk
Aamir Khan Film, "3 Idiots" kha na moh mâh ma? Kha liata Aamir Khan ta â chãpa, Scientist Phunsuk Wangru hmeiseihpa khata khizaw palyupalihna â sâhpa, Ramon Magsaysay Award a dao tahpa chhao na pahno tah tyh.
A moh hmeiseihpa, Sonam Wangchuk he ‘3 Idiots’ film vaw puana thabypa tah thei awpa ta, 3 Idiots kha ano thâtih thokha palâsana film a chã.
Wangchuk he India râh achuna siekheizie (Education System) taopathi awpa ta athata hmahlatuhpa pakha châ ta. Sonam Wangchuk ta India achuna siekheizie taopathina châta tao awpa a reipa nano nanopa hryta miakha cha, chyhsa to châta sawhkhâ siku ngâlâh pahypa châ sala, state zy ta âmo nochâchyu ta he kyh liata hmahla ei sala, tahpa ta, India râh liata cha sawhkhâ sikuzy ama pha leipa vâta, achuna cha sôhpaliena a thôh kawpa châ hai ta. Private siku zy athata amâ thôh nota, sawhkhâ siku deikua a rua via lymâ, a ta.
Wangchuk chata, “Achuna nata eima hrozie/khihsazie he â hmie thai awpa â ngiah kaw.”tahpa ta, India achuna he taopathipa ta, "uniform educational system" ta siekhei â ngiah, tahpa ta, “Finland, Sweden, Norway nata Denmark zy hawhta private school y leipa ta, sawhkhâ siku ngâlãh pahypa châ sala a pha aw.”a ta.
