Nô pakha ta ano saw sapa cheingei chanô a châpa vâta a thie!
NEW DELHI: Moti Nagar, Delhi liata chanô pakha cha thohna-O liata saw sa ta, a sa khai tawhta daihti rei leipa, dawh 3 a khô dyu ta tahpa liata a saw hawsaihpa cha a thie ta, pahnopuapa a châpa vâta patupa a châ. He chanô heta a saw cha chapaw châ vei, tahpa a pahnopa vâta thiepa a châpa hawhta TOI ta a palâsa.
He chanô he a saw hawsaihpa ri mohpasiapa a châ tawhta, a thie ta thiepa tlai a châ tahpa pahnopapuapa châ ta, a nô he ama patu hapa a châ. He hawsaihpa pôhpa liana heta kupathlana hmahzôh hmô hôlôpa a châ.
He hawsaihpa he nurse pakha ta â pielyu khao leipa hnaihta mohpasiapa ta, he tawhna heta he hmotlôpa he ama pahnopapua hapa a chã.
A nô he a pamôsa pakheipa ta, a saw a thi tahpa ama chhopa cha athata â kaw pachasa ta. Dawhtyzy chhao chata hawsaihpa cha pasana hropa vâta a thipa a châ na ta pangiasa tua ei ta, anodeikua a pôhpa liata kupathlana hmahzô ama hmôpa vâta thlai Police ama pahnosa hapa a châ.
