Mara Phôhpa : Marapazy ta kheita sahma ama vaw taopapua?

Ei kha cha laihsa pakha he satlia â hao kawpa pakha nahta ahnei awpa ta a chhôhkha nahta paryhpapaoh haw ei ta.

Amâ hnei tawhna chhao chata cha chanô chata â hao kawpa vâta a chhaihpa a chhuah tyh ta, châhrasala, a nô nata paw ta, a mâ châta ama lapa hmozy cha pakua pakhua awpa ama kho leipa vâta pahneisa raruah ei ta. A hnabeidy tu hapa vâta cha chanô chata châmaih hmâpa ta a vahpa cha thie awpa a chhuah haw ta.

Châmaih taona châna chata Parihpi ie tlai he lapa ta, sâh he beih liata chho ta, cha alao a chhopa nata Parihpi ie cha pahlao haw ta.

Parihpi ie nata lao cha amâ pahlao pha via n'awpa ta daihti khachâ rakha ma pa-uh ta.

Noh 3 chhôh a pa-uh tawhna chata, cha a hmotaopa cha kei moh ta, a roh chata a hnapasu a charao kawpa vâta, aly ngâsâ ta. Châmaih thatlô kawpa a châ tlai na ta pangiasana ta bie ta. A chyhta lapa ta avahpa cha paniesa haw ta.

Cha hmo a nie khai patawnah chata, a vahpa cha parih chaimâh ta, buakhata chhôhta a theihlô khao leipa ta y haw ta. Cha hawhta a vahpa atheihlô khao leipa a hmô na ta, chanô chata a châmaih hmâhpa ta a thie hapa a châ hih tahpa ta a ly ngâsâ thlâh ha ta. Châhrasala, a mylâ my ta a vahpa cha a paripa vaw tlâh ta, kaw thyu ta, cha a hmo niepa ta a sapa liata rai ahriana dâh cha a paphasa kawpa vâta, a lahpinô cha a hropa tao awpa ta chho heihpa ta,   a viasa penawh hruapa ta cha hmo cha nie lymâ haw ei ta.

Cha cha atahmâ ta sahma eima tahpa he avaw châ ama ta.

Source:NE Parry's The Lakher.