Mizo laihsa ta Chanô Hockey World Cup 2018 liata goal khô

Women's World Hockey Championship, Chanô Hockey World Cup 2018 akhaih haipa liata Pre Quarter final-liata India chata Italy  3-0 ta pahniepa ta Quarter final amâ ngia. India châta Mizo laihsa Lalremsiami chata minute 9' na liata India goal hmiatua chaipa khô ta, minute 45' na liata Neha ta za khô heih hrapa ta, minute 55' na liata India goal thôhna  cha Vandana ta za khô heih hrapa ta, daihti chhâ ta, 3-0 ta India he ama tlô hapa a châ. 

Lalremsiami he akhaih pha kaw ta, India tlôna nata apahniehna chaipa châpa ta, Player of the match-ta atlyhpa a châpâ hra.

Quarterfinal liana heta India heta Group stage akhaihna liata 1-0 ta ama vaw pahnie hapa Ireland cha, Aug.2 khita ama hmiachhy heih aw.

Thenzawl Hockey Training Centre tawhta achupapuapa, Lalremsiami he commentator zy chhaota a moh reih hoh kaw ei ta, ano zawzi ta Thenzawl khih moh chhao ama reih ngâthlâh ha hra.

Lalremsiami heta khatinorai ta English-Mizo Dictionary nata Hindi-Mizo Dictionary â chakaih ngâthlâh ha tyh.