Hawsaihpa 14 ri sykhao liata khôpa amâ huah!

Zâhnia Abeipa Noh liata Kolkata khihpi chho lâta pathaihna tlâhrai ama hriana liata, hawsaih pih thiehpa 14 ri, hârie sykhao liata avaw khôpa thlâh hapa hmôpa a châ.

He hawsaih pihthiehpa ri 14 zy he, Raja Rammohan Roy Sarani, Haridebpur Police station ôna chhôh liata hmôpa châ ta; Kolkata Police ta PTI ama chhona dâh liata, raihriatuhpazy ta he su nata a chheipâh ama pathai nota he hawsaihpa ri zy he sykhao liata ama hmô, ama ta.

Hawsaihpa ri zy he thokha cha rao kaw sai bâ ta, thokha cha ama ku nata phei zy chhao y khao vei, ama tah hra.

Police zy chata, “He hawsaihpa ri zy he khataih tawhta ama vaw thypa ma pahno ma pi. He su he râh ruapa a châpa vâta ama vaw thypa a châ thlyu aw,” ama ta.

Kolkata City Mayor Sovan Chatterjee nata Commissioner of Police Rajeev Kumar zy chata a su lia cheingei he hmo rarô y kawpa he ama kei mo hra.

(With inputs from PTI)