Carabao Cup Final : Man City ta Chelsea ama pahnie

Manchester City ta Wembley tlyliah liata Chelsea cha penalty hmâpa ta tlô viapa tluana liata pahniepa ta, Carabao Cup ama chalo. He akhaihna liata zawpi rei a hlao chaipa deikua cha Chelsea kaovaihtuhpa Kepa Arrizabalaga ta Chelsea coach Maurizio Sarri za leipa ta a thla awpa a kho leipa cha a châ.

 £71m mâpa Spanish kaovaihtuhpa, Chelsea ta ama Club record châ awpa ta ama lapangiapa he daihti chhâna lâchhâh liata chabiahpâ ngâkaw bâ ta, he he hmôpa ta Coach Sarri ta Willy Caballero pangiasa a chhuahpa ta kaw pua awpa ta a chhopa cha Kepa heta khoh leipa ta, Wembley liata mo phapa miah pahmôsa.

Arrizabalaga ta pua awpa a khoh leipa vâna heta Sarri he a hiehâh ngâsâ ta, daihti chhâ ta, Penalty hmâpa ta tlô viapa tluana liata pahniepa ama ypâpa chhochhi cha Sarri he a hiehâh via pachaih heih.

City châna heta Ilkay Gundogan, Sergio Aguero nata Bernardo Silva zy ta Penalty pangiapa ta, Leroy Sane chapuepa cha Arrizabalaga he vaw pakhâ taraw hrasala yzie hnei vei.

Liverpool lâ tawhta Jorginho chapiepa cha Ederson ta vaw pakhâ ta, David Luiz ta kaotôh chapie thlu ta, Cesar Azplicueta, Emerson nata Eden Hazard zy ta ama khô. City tlôna penalty he Raheem Sterling ta a khôpa a châ.