India chapaw hawti kô 5-pa FC Barcelona football achuna La Masia liata football achu aw

Barcelona: Kerala liata chapaw hawtipa, kô 5-deita uhtheipa Siddharth cha hâta ei 36-chhôh - La Masia, FC Barcelona Football Academy, Spain liata football achu awpa ta atlyhpa a châ.

Siddharth he Barcelona châta Player tluatuhpa (Scout) zy ta Bengaluru liata football âkhaih nopa hmô pasu ei ta. He khaihna liana heta Siddharth heta minute 15 chhôhta goal 12 po a khô hmã.

Akhaihna ama pathao patawnah ta, Siddharth ta sai ball topâ lymâ ta, anodeita khiahma akhaih tah thei awpa ta amâ khaihlâhpazy ta ball to hmâ vei ei.

Akhaih khai patawnahta Siddharth paw chata thlai FC Barcelona mo nata sa zy cha a sawchapaw cha khizaw Football achuna mohpathâhpa, La Masia liata â chu thei hraw ma, tahpa ta a kei hiahrihpa cha, âmo chata Siddharth cha Scholarship taihta dao thei awpa ta hmah eima vaw lakhei aw, tlao ama vaw ta.

He hawtipa he La Masia liata hâta ei 36 chhôh football â chu tua aw ta, coach zy mo â dy kaw khiahta la India chyhsa, FC Barcelona football achuna, La Mesia liata a laiseih tua chaipa a châ thei aw.