Mara Dawhty zy ta mohropazy châta byhnâ châpa ta Refugee Camp tly lai

Nochhi Mara Dawhty pano, Dr.Pahu nata Dr.Chôchô zy chata rairuna hryta East Maraland khihpi Lialaipi tawhta Northern Rakhine liata chariah chipa ta a râpazy yna, Refugee Camp zy tly laihpa ta, Thohna nata ângiahpazy cha Refugee zy hnohna heta ama rai. He ama tly laina liana heta Refugee Camp liata a ypazy rairuna atyhpazy nata amâ ngiahpazy amâ chupasia laih hra.

Northern Rakhine rachhôh liana heta chariah chipa vâta â râpa zy yna, Refugee Camp 5 ypa ta, he Camp liata a ypa zydua he maluh 7000 ama ypa ta pahnopa a châ. Henah sahlaozy he atahmâ nota a ka haipa, Arakan Army nata Tatmadaw (Myanmar pheisaih)-zy riah ama chipa vâta ama khih nata râh liata pahrâ ngâh khao leipa ta, he su liana heta a bohna tluapa ta ama y hapa a châ.

He hawhta a châ nona heta, Refugee Camp avaw tlô thei leipa, zawpi hluhpi zy cha ama khih liata nie nata baw liata rairuna athata a tyhpa ta, henahzy châta niebaw patohpatiapa a châ thei n’awpa ta deichhyna rai hria awpa ta UN Agency-zy nahta adaohna siekhei haipa a châ.

Source – Dr.Sasa Mara