India zawtheina Mirage 2000-zawtheina 12 zy ta Pakistan râhchhôh liata Bomb Kg 1000 hlei pathla
India Today : Atamy dawh 3:30Am-pa khata Pulwama
Tlahnaona phuhlana châta Indian Air Force zy chata India nata Pakistan râhrina ‘Line
of Control’ a zaw pakhôpa ta, Pakistan râhchhôh, Balakot nata a chheipâh liata
maheipa (Terrorist)-zy yna su, Camp peimawh kawpa zy cha ziza tawhta Bomb ta
ama tlahnao.
He Pakistan râhchhôh liata maheipazy yna su Bomb-na liana heta India
adyuhna zawtheina, Mirage 2000 zy chata LoC chaby liata maheipa Camp zy he Bomb
1,000 kg tlai hmâpa ta ama tlahnaopa hawhta IndiaToday chata a palâsa.
India zawtheina zy heta Balakot, Chakothi nata Muzaffarabad Bomb-pa
ta phie parao khai ha ei ta, he tlahnaona liana heta maheipa py - Jaish-e-Mohammed
control room chhao paraopa a châ hra tahpa biehnawh ta a palâsa.
He India zawtheina zy ta LoC a zaw pakhôpa ta
Pakistan râhchhôh liata Maheipa Camp zy ama kei tlahnaona chôchâh he Pakistan
Armed Force lâ tawhta reih papua tuapa châ ta, Pakistan heta IAF ta LoC chakapa
ta dâh ama paraopa vâta Pakistan Airforce ta thlai vaw ka paliepa ta, India
zawtheina zy he India râhchhôh lâ amâ lie lilaw ha heih, tahpa ama phuah.
He India zawtheina zy ta Pakistan rahchhoh liata maheipazy ama tlahnaona Bomb he 'Laser-Guided' cha ta; he tlahnaona liana heta maheipa (Terrorist) 300 rachhoh ama thipa ta pahnopa a cha.
He India zawtheina zy ta Pakistan rahchhoh liata maheipazy ama tlahnaona Bomb he 'Laser-Guided' cha ta; he tlahnaona liana heta maheipa (Terrorist) 300 rachhoh ama thipa ta pahnopa a cha.
- India Today
No comments