Pakistan heta India achhypalie awpa ta adona tovyuh eima hnei - Pak Foreign Minister

ISLAMABAD: Pakistan Foreign Minister Shah Mehmood Qureshi chata, India zawtheina zy ta LoC chakapa ta Pakistan râhchhôh liata Bomb ama kei pathla tawhta daihti rei leipa liata, “Pakistan heta India achhypalie awpa ta adona tovyuh eima hnei” tahpa ta, India chata LoC a vaw chakapa cha dâh ama parao a ta.

Qureshi chata, Pakistan cha adyuhna meih ta miah a chhoh thlu hai ta, eimâ hrohrua awpa nata eimâ chhuahnoh awpa â ngiah, tahpa ta, ‘Eima liahritlohna râh pabohsa awpa ta theina eima hnei” a tah hra.

He thâtih pachhuahpanoh hai nona heta Pakistan PM Imran Khan ta atyuhpahmaohna peimawhpa awpa ta, amâ tyuhpahmaoh hai.

Pakistan pheisaih biephuahtuhpa, Major General Asif Ghafoor chata, “India zawtheina zy cha Pakistan râhchhôh lâ avaw zaw ei ta, anodeikua Pakistan ta thlaita eima vaw ka hapa vâta a paraparô kawpa ta ama Bomb zy cha pathla-chadawh chakhyh ei ta; khâpa hmahta parao leipa ei ta, a thipa y hra vei ei” a ta.

Source : https://www.thenews.com.pk/latest/437164-live-indian-intrusion-into-pakistan-airspace