MFA WOMEN'S LEAGUE : SIAHA chanó team ama vâdua

Atanoh tawhta pathaopa, Mizoram Football Association Women's Football League, Aizawl liata akhaihpa liata, Siaha ta amâ khaihna hmiatua chaipa liata ITI Aizawl hmiachhypa ta, vâduachhih kawpa ta tlô vei ei.

Atanohta Mizoram liata chanô Football ataopasuana League liana heta, Siaha he kyhtotie liata akhaih pha via ei ta, Ball chhao ama to hluh via hra. Châhrasala Goal khô thei vei ei. ITI heta khô tua ei ta, 1 - 0 a châ tawhta Siaha ta Penalty hlaopapuapa ta, Hriati ta khôpa ta, 1-1 a châ.

Akhaihna mo pha kawpa liata Aizawl khihchhôh viapa, ITI Aizawl heta vâhneina to pazaopa ta, si 1 za khô chhi ei ta; he he Siaha ta amá chhypalie thei khao leipa a châ.

Siaha heta târi 28 Pamih khita Vakiria Women Team ama hmiachhy heih aw.