MWC Magazine of the Year 2018 Alyna thopi dopahmaoh
Atanoh târi 28 Pamih 2019 zâlâ dawh 1:00Pm khata, Puhpa K.Vanlalliana, Secretary, BML & Sr.EO, MADC hleikhôta, Editor-In-Chief HLA NATA BIE, BML Magazine, Official Chamber liata, BML Magazine, 'HLA NATA BIE' ta 'MWC MAGAZINE OF THE YEAR 2018' palyupalihna a daopa alyna thopi dopahmaohna hneipa a châ.
He daihti a hmâna, Puhpa K.Vanlalliana chhihthana ry liata hneipa liana heta Machâ JB Khaisia, Circular Manager, Hla nata Bie ta thlahchhâna hneipa ta, daihti chhituhpa, Editor-In-Chief Puhpa K.Vanlalliana tawhta Hla nata Bie Magazine chôchâh nahthliepa a châ.
Puhpa K.Vanlalliana chata, "Kô 6 daihmâ a sie hapa liata magazine eima vaw papua nota cha Article sôh ngaita kaw ta, daihti atymâ kawpa ry liata Article zy rohpa ta, chyhsa moh a hlâpâpa zy ta eima vaw papua tyh," tahpa ta, "Papuana awpa sôh liata rairuna avaw tyh tyh pi ta. A châhta cha thla 3 papuana mâ zy taihta eimá bâh na daihti avaw y tyh. Atahmâ cha Editorial Board zy hriapasana nata nôpawpazy khokheina zawzi ta Issue 97-na eima vaw papua thei ha bâ" a ta.
He daihti liana heta, MWC Special Award 2018 daotuhpa nata, The Times of Maraland Editor-In-Chief, nata Hla nata Bie Editorial Board member, Puhpa B.Dawphô chhaota biereina hneipa ta, Mara reih thâtihbu a papua chhôhta rairuna nano nanopa â tyhpazy reihpa ta, "MWC ta Special Award eina vaw pie no he Mara thâtihbu he pachhása ta, Mizo reih lâta papua syulyu ha awpa ei vaw chhuah no châ ta; he hawhta MWC ta Special Award eina hlâpa heta thathyuna athata na pie ta, Mara reih thâtihbu he ei papua pazao lymâ aw" a ta.
Puhpa Robert B.Syuhlô, Asst.Secy, MWC nata Editorial Board member, Hla nata Bie tawhta biereina chyupa nahthliepa a châ tawhta Alyna thopi, âhmie pahâh kawpa chhaota dopa a châ.
Hla nata Bie Editorial Board manôhzy amâ ki pha kaw.
He daihti a hmâna, Puhpa K.Vanlalliana chhihthana ry liata hneipa liana heta Machâ JB Khaisia, Circular Manager, Hla nata Bie ta thlahchhâna hneipa ta, daihti chhituhpa, Editor-In-Chief Puhpa K.Vanlalliana tawhta Hla nata Bie Magazine chôchâh nahthliepa a châ.
Puhpa K.Vanlalliana chata, "Kô 6 daihmâ a sie hapa liata magazine eima vaw papua nota cha Article sôh ngaita kaw ta, daihti atymâ kawpa ry liata Article zy rohpa ta, chyhsa moh a hlâpâpa zy ta eima vaw papua tyh," tahpa ta, "Papuana awpa sôh liata rairuna avaw tyh tyh pi ta. A châhta cha thla 3 papuana mâ zy taihta eimá bâh na daihti avaw y tyh. Atahmâ cha Editorial Board zy hriapasana nata nôpawpazy khokheina zawzi ta Issue 97-na eima vaw papua thei ha bâ" a ta.
He daihti liana heta, MWC Special Award 2018 daotuhpa nata, The Times of Maraland Editor-In-Chief, nata Hla nata Bie Editorial Board member, Puhpa B.Dawphô chhaota biereina hneipa ta, Mara reih thâtihbu a papua chhôhta rairuna nano nanopa â tyhpazy reihpa ta, "MWC ta Special Award eina vaw pie no he Mara thâtihbu he pachhása ta, Mizo reih lâta papua syulyu ha awpa ei vaw chhuah no châ ta; he hawhta MWC ta Special Award eina hlâpa heta thathyuna athata na pie ta, Mara reih thâtihbu he ei papua pazao lymâ aw" a ta.
Puhpa Robert B.Syuhlô, Asst.Secy, MWC nata Editorial Board member, Hla nata Bie tawhta biereina chyupa nahthliepa a châ tawhta Alyna thopi, âhmie pahâh kawpa chhaota dopa a châ.
Hla nata Bie Editorial Board manôhzy amâ ki pha kaw.
No comments