Champions League : Messi nata Barca Semi final liata - Cristiano Ronaldo nata Juventus ama tla
Nou Camp liata Lionel Messi nata Barcelona ta ama khichhaipa, Manchester United pahniepa ta, Champions League semi finals amâ ngia.
1st Leg liata 1-0 ta hmia asahpa, Barcelona he ama tlyliah, Nou Camp liata khichhai ama châna â pahno leipa hawhta a khaih pha kawpa, Man United he akhaihna pathao tua nota cha pahnie lei awpa ama lyu kaw. Châhrasala, Lionel Messi nata kaovaihtuhpa David de Gea taochheipa zawzi ta tah thei awpa ta Barcelona heta pahniena ama to.
Minute 16-na liata Messi heta yard 20 ta â hlapa tawhta â ngia ngâsâpa ta za khô ta; minute 4 khô ta, Messi ta a za chapie heihpa cha De Gea heta a pazâ tlamaw haw! 2-0 châ ta; Philippe Coutinho ta minute 61-na liata Barca châta za khô chhi heihpa ta, 3-0 ta pahniena topa ta, 1st Leg chhaota 4-0 ta pahniena ama to.
United heta daihti pathao pasu kaw taraw ei ta. Akhaihna ama pathao tawhta second 40 ta Marcus Rashford ta kaotôhpakhâhpa za chapie thlu ta; châhrasala Messi ta Barca hmia a sahna a za khô tawhta deikua, khâpa lyu thei khao vei ei.
Barca heta Liverpool nata Porto liata a tlô viapa maih Semi finals liata ama hmiachhy aw.
CRISTIANO RONALDO NATA JUVENTUS AMA TLA
Dutch club, Ajax ta Champions League liata ama khitlyna pazao lymâ chy awpa ta ama captain, thyudyupa Matthijs de Ligt goal hmâpa ta Juventus cha Turin khihpi liata kei pahnie ei ta, semi-finals amâ ngia haw.
Zâhnia zâcho ta Champions League Quarterfinals 2nd Leg akhaihna liana heta, Juventus châta Cristiano Ronaldo a luhta supangiapa ta, Juventus he hmia a sahkhei ta.
Châhrasala hmia a sa parei vei ei. Ajax ta thapi phiapa ta Juve he kaw tei ei ta, Donny van de Beek ta Hakim Ziyech ta a chapiepa cha vaw la pasupa ta, Juve kaovaihtuhpa Wojciech Szczesny patu hmâ lei awpa kaochhôh lã pangiapa ta, 1-1 ama châ ha heih. 1st Half chhâ ta, 1st Leg liata amâ pahniethaipa vâta Aggregate ta 2-2 châ ta, khichhaipa Ajax he 'Away Goal' ta ama tlô thei thlâh ha chy.
2nd half pathao ei ta. Goal khô chhi a chhuahpa ta thapi ama phia raihrie hmeiseih.
Khichhaipa, Ajax vâhneina a pahiehpapua heihpa ta, Ziyech ta goal khô theina daihti ryhpaohpa a hneipa a hmâh phahnai lei tawhta, Captain De Ligt ta a luhta su pangiapa ta, 1-2 ta Ajax he tlôpa ta, Aggregate ta 2-3 ta Ajax heta Juve he pahniepa ta Semi finals amâ ngia hapa a châ.
Champions League nyungiapa ei 5 avaw chalo hatuhpa, Cristiano Ronaldo vâ a sâh ta; tlyliah liata â pielyuna dâh tawhta UCL tawhta ama tlapa he a la pasa kaw tahpa â hno thlâh ha. Joel Veltmans a chakhopa vâta Yellow Card hmô ta, daihti chhâ raohpa ta tlyliah a puasaipâ lymâ ha hra.
Ajax heta Manchester City nata Tottenham akhaihpa liata a tlô viapa Semi finals liata ama hmiachhy aw.
1st Leg liata 1-0 ta hmia asahpa, Barcelona he ama tlyliah, Nou Camp liata khichhai ama châna â pahno leipa hawhta a khaih pha kawpa, Man United he akhaihna pathao tua nota cha pahnie lei awpa ama lyu kaw. Châhrasala, Lionel Messi nata kaovaihtuhpa David de Gea taochheipa zawzi ta tah thei awpa ta Barcelona heta pahniena ama to.
Minute 16-na liata Messi heta yard 20 ta â hlapa tawhta â ngia ngâsâpa ta za khô ta; minute 4 khô ta, Messi ta a za chapie heihpa cha De Gea heta a pazâ tlamaw haw! 2-0 châ ta; Philippe Coutinho ta minute 61-na liata Barca châta za khô chhi heihpa ta, 3-0 ta pahniena topa ta, 1st Leg chhaota 4-0 ta pahniena ama to.
United heta daihti pathao pasu kaw taraw ei ta. Akhaihna ama pathao tawhta second 40 ta Marcus Rashford ta kaotôhpakhâhpa za chapie thlu ta; châhrasala Messi ta Barca hmia a sahna a za khô tawhta deikua, khâpa lyu thei khao vei ei.
Barca heta Liverpool nata Porto liata a tlô viapa maih Semi finals liata ama hmiachhy aw.
CRISTIANO RONALDO NATA JUVENTUS AMA TLA
Dutch club, Ajax ta Champions League liata ama khitlyna pazao lymâ chy awpa ta ama captain, thyudyupa Matthijs de Ligt goal hmâpa ta Juventus cha Turin khihpi liata kei pahnie ei ta, semi-finals amâ ngia haw.
Zâhnia zâcho ta Champions League Quarterfinals 2nd Leg akhaihna liana heta, Juventus châta Cristiano Ronaldo a luhta supangiapa ta, Juventus he hmia a sahkhei ta.
Châhrasala hmia a sa parei vei ei. Ajax ta thapi phiapa ta Juve he kaw tei ei ta, Donny van de Beek ta Hakim Ziyech ta a chapiepa cha vaw la pasupa ta, Juve kaovaihtuhpa Wojciech Szczesny patu hmâ lei awpa kaochhôh lã pangiapa ta, 1-1 ama châ ha heih. 1st Half chhâ ta, 1st Leg liata amâ pahniethaipa vâta Aggregate ta 2-2 châ ta, khichhaipa Ajax he 'Away Goal' ta ama tlô thei thlâh ha chy.
2nd half pathao ei ta. Goal khô chhi a chhuahpa ta thapi ama phia raihrie hmeiseih.
Khichhaipa, Ajax vâhneina a pahiehpapua heihpa ta, Ziyech ta goal khô theina daihti ryhpaohpa a hneipa a hmâh phahnai lei tawhta, Captain De Ligt ta a luhta su pangiapa ta, 1-2 ta Ajax he tlôpa ta, Aggregate ta 2-3 ta Ajax heta Juve he pahniepa ta Semi finals amâ ngia hapa a châ.
Champions League nyungiapa ei 5 avaw chalo hatuhpa, Cristiano Ronaldo vâ a sâh ta; tlyliah liata â pielyuna dâh tawhta UCL tawhta ama tlapa he a la pasa kaw tahpa â hno thlâh ha. Joel Veltmans a chakhopa vâta Yellow Card hmô ta, daihti chhâ raohpa ta tlyliah a puasaipâ lymâ ha hra.
Ajax heta Manchester City nata Tottenham akhaihpa liata a tlô viapa Semi finals liata ama hmiachhy aw.
No comments