Vahia khih Centenary Souvenir Palâhâh
SIAHA, 16 Pachawh, 2019(Hriaheihnoh) – Atanoh nohchhôh dawh 1:00 PM liata Vahia khih kô 100 a tlohna alyna châta pachhuahpanohpa VAHIA CENTENARY SOUVENIR cha Puhpa K. Vanlalliana, Senior Education Officer, MADC ta aly kawpa ta a palâhâh.
Pahyna Programme he MADC Forest Department Hall, Siaha liata hneipa châ ta, Puhpa H. Beiradua, Chairman, Vahia Centenary Celebration Board ta chhihtha ta, Machâ RA. Hluna Chinzah, Adviser, Souvenir Editorial Board ta Devotion a hmâh.
Satlia FC. Chhuasa, President, Mara Writers Club ta pahnie kawpa ta saichhieliena hnei ta, Satlia S. Beichhualua, Editor, Souvenir Editorial Board ta Technical Report a pie hra. Laihsa HC. Lalnundingi, Treasurer, Vahia Centenary Celebration Board ta Souvenir châbu asaipa ta piena a hnei hra. Daihti chhâna lâ liata Puhpa K. Hmoly, Editor-in-Chief, Souvenir Editorial Board ta alynabie reina a hnei.
He Programme liata zawpi ahlaopa hluh kaw ei ta, a eih pachaipa ta Vahia khih puapa, Siaha liatahpazy ta Programme pachâpeimawhpa ta amâ vaw hlao hluh kawpa ta pahnopa a châ.
Merina Hlychho, Mara Idol chhao Vahia khihpa a châna hawh ta he Programme he pachâ peimawh kaw ta, â hlao hleikhô ta hla sâ 1 sana a hnei hra.
Khichhailaipa Puhpa K. Vanlalliana biereipa thokhazy:-
1. Atanoh, he Souvenir palâhâhna Programme liata avaw hlaopazy anaohna nata zana Samaw ei cha hlâ ei.
2. Khih kô 100 tlôhpa he hmo rairu kawpa châ ta, thokha khih cha kô 100 tlô leipa ta khih apai hapazy y chielie ta, thokha khih deikua kô 100 ama tloh hapa mypa ta alyna atao leipazy ama y hra.
3. He hawh ta a châ no ta Vahia khih deikua khitlâh nôpawpazy nata râh chhihthatuhpa pha kawpazy nama hneina zawhzi ta he hawh ta alyna nama tao awpa liata Souvenir taihta pachhuahpanoh theipa a châpa he ei vaw ly kaw.
4. He Souvenir he hmo chynawh kawpa hawh ta eima pachâ thei ngyu aw; châhrasala Literature pahneirôhnatuhpa châta, Mara reih hmahsiena maniah pahneisatuhpa a châ tahpa ei reih khoh kaw.
5. Souvenir châbu eima palâhâh hapa he, a thâtih pahnopasia awpa ta, preview ahneituhpazy hawh ta thata pakaih laih hra na ta, Mara reih rozie dopa hmâpa ta taopa vaw châ ta, Mara reih achuna châta atlâh a châpa a châ. Chavâta Mara reih athai khohpazy ta cha nama vaw reih chyu awpa ta ei châ haw ei.
6. Souvenir he daihti akhôchiehpa athei thlâhna nata hmo atlôpa cheingeipa ngiana châ ta, he Vahia Centenary Souvenir he Vahia khih thâtih pahnona awpa liata chhaichhi peimawh kawpa a vaw châ. Vahia khih liata hmo no-âhchhihpa nata a râh leilô hneirônazy pahno theina cha Souvenir bu he a châ. Vahia khihsawzy chhochhi cha, he châbu he nama rei papua khai awpa apeimawh kaw.
7. Hlasa thaipa y hluhna khih Vahia a châh tahpa he Souvenir tawhta eima pahno thei hra. Mara Idol chhao manôh 2 tlai ta title ama vaw la haw. Mara râh Culture athyukheipa sâkha cha Hla sapa he a châ. He Souvenir châbu areihpazy ta cha Marasaw hry liata hlasa thaipa pua hluhna khih sâkha cha Vahia he a châ tah leitheipa châ vei.
8. Mara râh History châta he Souvenir he aphahnai kaw awpa châ ta, copy chhao ahluh via taopa châsala apha kaw aw. He liata pahlao leipa hluhpi a y thei aw; chavâta, he châbu he achhâna châ leipa ta atahmâ tawhta Vahia History rona châbu pha kawpa chhao patohpatia via lymâ awpa ta ei châ haw hra ei.
9. Vahia khih kô 100 tlohna Centenary alypa ta ahmâ awpa ta khokheina ei cha hlâ ei.
Vahia khih he kô 100 vaw tloh ha ta, târi 24-25 April, 2019 liata alyna tao awpa ta atahmâ he apatohpatia ngâ haipa a châ.
(Written by BeiRôkhu Beitâ, I & PO, MADC)
Pahyna Programme he MADC Forest Department Hall, Siaha liata hneipa châ ta, Puhpa H. Beiradua, Chairman, Vahia Centenary Celebration Board ta chhihtha ta, Machâ RA. Hluna Chinzah, Adviser, Souvenir Editorial Board ta Devotion a hmâh.
Satlia FC. Chhuasa, President, Mara Writers Club ta pahnie kawpa ta saichhieliena hnei ta, Satlia S. Beichhualua, Editor, Souvenir Editorial Board ta Technical Report a pie hra. Laihsa HC. Lalnundingi, Treasurer, Vahia Centenary Celebration Board ta Souvenir châbu asaipa ta piena a hnei hra. Daihti chhâna lâ liata Puhpa K. Hmoly, Editor-in-Chief, Souvenir Editorial Board ta alynabie reina a hnei.
He Programme liata zawpi ahlaopa hluh kaw ei ta, a eih pachaipa ta Vahia khih puapa, Siaha liatahpazy ta Programme pachâpeimawhpa ta amâ vaw hlao hluh kawpa ta pahnopa a châ.
Merina Hlychho, Mara Idol chhao Vahia khihpa a châna hawh ta he Programme he pachâ peimawh kaw ta, â hlao hleikhô ta hla sâ 1 sana a hnei hra.
Khichhailaipa Puhpa K. Vanlalliana biereipa thokhazy:-
1. Atanoh, he Souvenir palâhâhna Programme liata avaw hlaopazy anaohna nata zana Samaw ei cha hlâ ei.
2. Khih kô 100 tlôhpa he hmo rairu kawpa châ ta, thokha khih cha kô 100 tlô leipa ta khih apai hapazy y chielie ta, thokha khih deikua kô 100 ama tloh hapa mypa ta alyna atao leipazy ama y hra.
3. He hawh ta a châ no ta Vahia khih deikua khitlâh nôpawpazy nata râh chhihthatuhpa pha kawpazy nama hneina zawhzi ta he hawh ta alyna nama tao awpa liata Souvenir taihta pachhuahpanoh theipa a châpa he ei vaw ly kaw.
4. He Souvenir he hmo chynawh kawpa hawh ta eima pachâ thei ngyu aw; châhrasala Literature pahneirôhnatuhpa châta, Mara reih hmahsiena maniah pahneisatuhpa a châ tahpa ei reih khoh kaw.
5. Souvenir châbu eima palâhâh hapa he, a thâtih pahnopasia awpa ta, preview ahneituhpazy hawh ta thata pakaih laih hra na ta, Mara reih rozie dopa hmâpa ta taopa vaw châ ta, Mara reih achuna châta atlâh a châpa a châ. Chavâta Mara reih athai khohpazy ta cha nama vaw reih chyu awpa ta ei châ haw ei.
6. Souvenir he daihti akhôchiehpa athei thlâhna nata hmo atlôpa cheingeipa ngiana châ ta, he Vahia Centenary Souvenir he Vahia khih thâtih pahnona awpa liata chhaichhi peimawh kawpa a vaw châ. Vahia khih liata hmo no-âhchhihpa nata a râh leilô hneirônazy pahno theina cha Souvenir bu he a châ. Vahia khihsawzy chhochhi cha, he châbu he nama rei papua khai awpa apeimawh kaw.
7. Hlasa thaipa y hluhna khih Vahia a châh tahpa he Souvenir tawhta eima pahno thei hra. Mara Idol chhao manôh 2 tlai ta title ama vaw la haw. Mara râh Culture athyukheipa sâkha cha Hla sapa he a châ. He Souvenir châbu areihpazy ta cha Marasaw hry liata hlasa thaipa pua hluhna khih sâkha cha Vahia he a châ tah leitheipa châ vei.
8. Mara râh History châta he Souvenir he aphahnai kaw awpa châ ta, copy chhao ahluh via taopa châsala apha kaw aw. He liata pahlao leipa hluhpi a y thei aw; chavâta, he châbu he achhâna châ leipa ta atahmâ tawhta Vahia History rona châbu pha kawpa chhao patohpatia via lymâ awpa ta ei châ haw hra ei.
9. Vahia khih kô 100 tlohna Centenary alypa ta ahmâ awpa ta khokheina ei cha hlâ ei.
Vahia khih he kô 100 vaw tloh ha ta, târi 24-25 April, 2019 liata alyna tao awpa ta atahmâ he apatohpatia ngâ haipa a châ.
(Written by BeiRôkhu Beitâ, I & PO, MADC)
No comments