ECM KHP Bethesda ta Hmotaopa tlaita râhhmâhpa nata râhsa pabohsana pachuna hnei

Zâhnia târi 29.4.2019 (Hriatuanoh) khata, ECM Bethesda Krizyhpa Hawti Py (KHP)-zy chata, Mararâh liata râhhmâhpa, râhsa, pazu-pavaw pabohsana peimawhzie apachuna nata hmahlana chi kha châta, râhhmâh liata cheingei ta hmotaopa ta palâsapa ta, hawtipazy hnohta pachuna ama hnei.

He râhhmâhpa, Râhsa, Pazu-pavaw pabohsa peimawhzie apachuna daihti, râhhmâh lâ siepa ta hneipa liana heta, thokô liatazy pavaw bu taochhyhpa sohpa ta, KHP manôhzy ta râhhmâhpa, pazu-pavaw nata râhsa pabohsa awpa ta bie amâ taihna châtawpazy chhao chaluahpa châ ta, amâ thôhkhei kaw sai.

ECM Bethesda KHP ta he hmahlana ama siekheipa liana heta KHP chhihthatuhpazy chhihthana ry liata Krizyhpa hawtipa 120 sie thei ei ta, a rei ta reipa dei châ leipa ta, pabohsana rai cha a tao ta taopa tlai hawtipazy he pachupa ama châ.

Bethesda KHP zy heta zâkô 2018-pa chhao khata he hawhpa hmahlana he ama vaw siekhei ha heih hra.