Telengana liata noh 10 chhôhta achuhaipa 25 ta sasyh hrona amâ la

HYDERABAD: Noh 10 chhôhta achuhaipa 25 ta âmosasyh hrona amâ lapa chata Telengana state liata buana nata atymâna a tlôkhei hai. Telengana State Board Intermediate Examination liata achuhaipa thysy 9.7 (Lakhs) Exam-pa hryta thysy 3.28 (lakhs)-zy cha ‘Failed’ ei ta, he Exam he ‘Private Agency’ ta ama buakheipa a châ.

Image Source : NDTV

He Exam siekheina dâh liata taochheipa nata mochheipa a ypa vâta achuhaipa vâro tlai ta hlaotlohna to leipa ei ta; he vâna heta achuhaipazy heta âmosasyh hrona amâ la hapa a châ. Achuhaipa pakha cha Telugu liata Mark 00 hmôpa hawhta a Result liata palâsapa châ ta. Anodeikua mohpathi heih ei ta, Mark 99 tlao avaw hmô.

He hmotlôpa vâna heta Telengana liata Opposition Party zy chata ama State Chief Minister K Chandrashekar Rao cha he Exam-na liata taochheipa a ypa kyh liata diathlâpa hawhta bai ei ta. He Exam he CBSE ry liata Class 11 nata 12 exam nahta â khupa hawhta pachâpa a châ.