EPL : Liverpool ta Manchester City ama chhao ha heih

Daihti vâro tlai goal khô thei leipa ta tlyliah liata daihti a hmâ tawhta, Liverpool player phapa, Mohamed Salah chata ano theina tlaita goal khôpa ta, si liahsa ama phaoh tawhta Liverpool ta ama khichhaina tlyliah, St Mary liata Southampton pahniepa ta, Premier League chô chai liata amâ kaw tyuh ha heih.

Daihti chhâ n’awpa ta minute 10 deita y bâ ta, Point 3 hlao papua cheingei awpa ta Liverpool pahniena ama to cheingei awpa â ngiah. He nona heta goal duasu cha 1-1 a châ thlâh ha chy. Anodeikua a daihti ta liata Mo’ Salah avaw luahpa ta, goal pha kawpa khôpa ta, Liverpool thlahzohna meithâh avaw papai hapa a châ.

Southampton defender-zy ta ama kao vaih awpa ta ama kao chaby lia dei a duahpa ta, tlyliah khophie rachhôh cha ama parua tah thei awpa châ ta; he he Salah heta hmâh phahnaipa ta Ball a zâ râkhei lymâpa ta, tlyliah khophie dua ball he anodeita â zâ râkhei. Southampton kaovaihtuhpa Angus Gunn patu thei rimâ lei awpa ta Liverpool hmia a sahna a za khô hapa a châ. 2-1 châ ta, daihti a chhâ daihmâ hmeiseih ha bâ.

Dyuchhai tawhta a zâ ngiapa, Jordan Henderson ta za khô heih hrapa ta, 3-1 ta pahniena topa ta, Man City chhaopa ta Liverpool heta duasu a sâh chaipa ama to ha heih. Anodeikua Liverpool he Man City hlâta khaih kha ta amâ khaih hluh via.

Southampton heta Shane Long goal hmâpa ta hmia a sah tua ei ta; he he Liverpool châta Naby Keita ta a kaw pasupa ta, 1^st Half liata 1-1 a châ.

EPL Point Table (Top 15)