India râh lâ avaw lie awpa ta zawtheina hâpa ta my pati a nie hai nota Bomb-vaw pa ta..

Raseena, Kerala chyhsa he a vahpa nahta cha-yna daihti hmâh awpa ta Sri Lanka lâ a siepa châ ei ta, Easter Sunday (21.4.2019)-pa kha Mangalore, India lâ avaw lie pakhua awpa ta zawtheina Ticket chhao liahsa ama la ha hra...châhrasala.

Raseena nata a vahpa Khader Kukadi-zy cha kô khachâ rakhama Dubai liata khih avaw sa hapa châ ei ta; Sri Lanka liata cha-yna (Vacation) daihti hmâh awpa ta ama sie. Raseena he Kasargod, Kerala liata mahnô-mahpaw daihti no tawhta avaw y hapa ama châ.

A vahpa Khader he, Mangalore tawhta Dubai pangai chhielie ta, Raseena heta Bengaluru, India liata buakha a châh tawhta Dubai lâ a kei pahlyh awpa a châ.

Henah nôvah he Shangri-La Hotel, Colombo, Sri Lanka liata Hotel asosâh kawpa liata tlô ei ta. Raseena he Zawtheina a zawpapua awpa hâpâpa ta Hotel liana heta my pati a nie ngâkaw no châ ta. Cha nona chata, pangiasa pha leipa lâ tawhta Bomb eikhapi ta vaw papa ta, he Bomb-pa liana heta a hrona a pahlei hapa a châ.

He hawhta a châ nona heta, Tamil Film star/actor Radhika Sarathkumar deikua a vâhnei ta, Bomb a pa hlâta heta Cinnamon Grand hotel, Colombo liatapa a  puasai hmâ ha.