Peru President parohpa anosasyh a kasao

Peru President parohpa, Alan García cha Police zy ta thlyuna (Bribery) sôh lapa biebuapa â aopa liata patu awpa ta a pahrâna O ama pangai nota, anosasyh Pistol ta â kasao.

Peru President parohpa, García he pistol ta â ka tawhna heta, thlaita Peru khihpi Lima liata thohna-O ngaikheipa châ taraw ta, a hrona deikua pachha hmâ khao vei ei.

García he Brazilian construction company Odebrecht – zy tawhta thlyuna sôh a lapa hawhta baipa châ ta, he ama baina he a dytha. García he kô 1985 tawhta 1990 President vaw châ ta,  kô 2006 tawhta 2011 taihna khata he duasu he avaw patu chanei heih hra.