Premier League : FULHAM ama tla ha heih hra

Huddersfield pazipa ta Fulham cha Premier League tawhta ama tla ha heih hra. EPL liata khaih 5 akhaih awpa y taraw chy hrasala, Watford ta Vicarage Road liata ama vaw pahnie pasapâ hapa vâta Championship Division lâ amâ pasopanô awpa â ngiah ha hra.

Fulham ‘The Cottagers’ heta Premier League liata ama duasu dahdie kawpa pabohsa hnolo chy awpa ta tlô a ngiah ei ta, Ryan Babel ta Abdoulaye Doucoure ta Watford châta goal a khôpa a kaw chhypalie ta, hnabeiseihna ama kaw hnei pasâh hmâ kaw.

Châhrasala, 2nd Half liata Watford heta Will Hughes, Troy Deeney nata Kiko Femenia zy goal hmâpa ta amâ vaw chhypalie ha heihpa vâta lôhiah kawna chôta Season heihpa cha Championship Division lâ ama tla ha heih aw.

Fulham heta zâkô nopi Player a pasiena daihti liana khata Player 12 lapangiana châta £100m hmâh taraw ei ta, anodeikua ama tlakhei pyly.

Watford tlyliah liata daihti chhâ ta, Premier League tawhta ama tla ha tahpa â pahnopa Fulham Player sahlaozy hmiaphaozie liata thachhiena kha hmô chhei thaipa châ tlai vei.