Sri Lanka liata krizyhpazy tlahnaona he New Zealand liata Muslim ama kasaopa zy phuhlana a châ?

New Delhi: Thyuheihna Noh (Easter Sunday) liata Sri Lanka su nano nanopa liata Bomb-papa vâta chyhsa 290 hlei thina chôchâh liata biethâh chhâ thai mâh leipa ta, Sri Lankan Diplomat (Râh hro lâta lyuhchâpa) parohpa, G Parthasarathy chata ano mopakha pangiasana dâhta cha he Sri Lanka liata Krizyhpazy tlahnaona he New Zealand liata Muslim achhyna-O liata Muslim chyhsazy apakhy haipa tlahnaona phuhlana a châ na ta a pangiasana zie a rei. Parthasarathy chata, “Sri Lankan chyhsazy he Syria tlyma Iraq tlyma siepa ta, ISIS amâ kei pazao ha tahpa pasiana tlyma khâpa hmahta y vei. He Bomb-ta atlahnaona liana heta Krizyhpa zy cha â nua chaipa ama châpa vâta nata, ama noh pathaihpa liana cheingei ta tlahnaopa ama châpa vâna heta, he he New Zealand liata Muslim zy tlahnaona vâta phuhlana a châ thei,” a ta.

A rei lymâna liata Parthasarathy chata, “He atlahnaona he achhuahna siahlia kawpa hnei chhieliepa ta a tlôpa a châ tahpa sia ta. Islam ahaona nata china thlahpa ta khizaw a charao hai no cheingei ta a tlô hra. Sri Lanka sawhkhâ ta a chakhiehcharieh kawpa ta â laichadai aw,” a tahpâ hra.

Kô 10 a khô hapa liata Sri Lanka liata riahrupa py lai chaipa, LTTE pahniepa ama châ tawhna khata, Sri Lanka liata ziza pha kaw bâ ta, zâkhahnia Abeipa noh ziza khata avaw parao khai hapa a châ. Parthasarathy chata, Sri Lanka liata he hawhta atlahnaona a tlô thlâh hapa he khizaw ta ama pangiasa lei chaipa su a châpa vâta a châ, tahpa ta, “Colombo khihpi leipa ta Sri Lanka liana heta kheihawhpa su liata e krizyhpa maluh hluh chaina sun a hmô aw? He hawhpa hmo tlô thei awpa hawhta chhao ama pachâ leina su, Sri Lanka he amâ vaw tlyhpa a châ” a ta.

New Zealand liata kheihawhpa hmo e tlô?