Copa America 2019 : Jesus pachârôhna mothlih thaphana ta a pho ha heih!
Manchester City châta akhaih pha kaw tyhpa, Gabriel Jesus ta goal
kha khôpa ta, mohropa goal khô awpa ei kha taopapâ ta, Red Card hmôpâ ta, ‘VAR
monitor’ nâ papaopâ ta, Brazil ta kô 12 chhôhta a eikhana awpa ta Copa America
nyungiapa chalopa ta, Final liata Peru 3-1 ta ama pahnie.
Jesus heta Everton ta Brazil hmia a sahna a khôpa taopa ta, he
khai tawhna heta Brazil goal nona a pangiapâ hra. Jesus ta Brazil goal nona a
khô hlâta liana heta Paolo Guerrero ta Peru châta hnabeiseihna thiehpa taopa
awpa ta Penalty tawhta goal za khô taraw ta, anodeikua amâ lyna deikua â daih
parei vei.
Minute 20 a y bâ aw tahpa liata Jesus heta Yellow Card ei nona
hmôpa ta, papuapa châ ta, anodeikua Richarlison ta daihti chhâ chyta liata
penalty tawhta Brazil goal thôhna a za khô pyly ha heihpa vâta 3-1 ta pahniena
ama to hapa a châ.
Brazil ta pahniena ama topa he Jesus châta cha huhiehna tah
leithei awpa châ vei. Achhâpa cha Red Card a hmôpa vâta mothlih chhaota y ta,
he hleikhôta a puana lâta VAR mona monitor papaopâ ta, â piechhie kaw.
Châhrasala, Brazil ta Copa America nyungiapa ama chalo pylypa vâta mohchhiena
lâ hlâta, alyna lâta Jesus heta biethâh tlao a tao via ha aw.
Jesus heta akhaihna a chhâ tawhta â pielyuna kyh liana heta, "Ngiathaina
ei haw," tahpa ta, "Kha hawhpa hmo kha khôkhâ thei awpa ei châ taraw;
atahmâ tawhta la ei pitloh kaw bâ awpa â ngiah" tahpa ta pei a tahzie a
rei.
Atakô ta Copa America Nyungiapa ama chalopa chhao heta Brazil heta
ei chaki he ataopasuana liana heta nyungiapa ama chalo ha tahna châ ta; kô 2016
Olympics liata Gold Medal ama la tawhta ataopasuana laipa liata nyungiapa râh
châta ama chalo heih tua chaipa a châ hra.
No comments