CWC 2019 FINAL : Khizaw liata Final mo pha chaipa liata Ben Stokes ta England pachhapapua!

ICC Cricket World Cup 2019 Final mo pha kawpa liata, a tlôtuhpa England cha, 'Over 50' liata New Zealand nahta ama run taopazie â khopa vâta, 'Super Over - Tlô viapa tluana châta Over 1 hropa' akhaihna liata, Run 15 raihrie tao heihpa ta â kho heih ei ta; châhrasala England ta 'Boundary (dôhpachhôh tawhta Ball pazeipapua)' ama pazei hluh via hapa vâta kô 2019 ICC Cricket World Cup Champions ama châ haw!

Abeipanoh zâ ta Lord's Cricket Ground, London, England liata Cricket ataopasuana a sâh chaipa, ICC Cricket World Cup 2019 Final akhaihna kha, 'Khizaw liata Final mo pha chaipa' tah thei'pa a chá. Kô 1992 liata Final amâ ngiapa hleikhôta a tlô pasâh thei leipa, England chata Semi Finals liata India pahnietuhpa, New Zealand cha, vâhneina no-âhchhih chaipa tah thei awpa akhaihna liata ama pahnie hapa a châ.

Atakô Cricket World Cup 2019 Champions England heta lymâ châta Nyungiapa hleikhôta, US $ 4 Million dao ei ta; 2-na New Zealand ta US $ 2 Million ama dao hra.

World Cup 2019 akhaihna ei 10 liata Run 578 pazei papuatuhpa - New Zealand Captain, Kane Williamson cha 'Player of the Tournament' ta atlyhpa châ ta.

England ta Nyungiapa ama chalo theina chhâpa tah thei awpa, 'All-rounder' Ben Stokes cha Final liata 'Player of the Match' ta atlyhpa a châ hra.