Wimbledon 2019 Final : Dawh 5 chhôh daihmâ Federer ta Djokovic a pakhâ!

Wimbledon Final liata Tennis khizaw liata mopahreihpa pano - Novak Djokovic nata Roger Federer, Abeipanoh zâ ta amâ hmiachhyna liata Djokovic ta Federer he ei no tlai, point peimawhpa liata â daopathlapa ta, Wimbledon chapaw final akhaihna rei chaipa liata a champion ha heih.

He Wimbledon 2019 Final, Centre Court liata akhaihpa he, Tennis hlâta Football akhaihna lyu viapa ta, pyury a piry ngâsâ ha. Dawh 4 nata minute 57 chhôh amâ khaih tawhta, Djokovic heta Federer he 7-6 (7-5) 1-6 7-6 (7-4) 4-6 13-12 (7-3) ta a pahnie hapa a châ.

He Wimbledon 2019 Final liana heta, Roger Federer heta ei 2 tlai tlô theina (Championship point) hmôpa ta duasu pha kawpa liata a duah hmâ ta; châhrasala no-âhchhih kawpa ta Djokovic heta â daopathlah chhyh hapa a châ.