Mizoram : Sailulak liata Paritheipa thohna 'Meth' Rs thysy 2000 (Lakhs) rachhôh mâ patu
 |
| image source - Facebook |
Pakhynoh (târi 17.7.2019), zâ dawh 7:30 rachhôh khata Mizoram
liata Sailulak khih V.C nata N.G.O apakaohpazy chata paritheipa thohna, ‘Meth’
hluh ngâsâpa Sailulak khih chhôh liata ama patu. He thohna ama patupa he
Mizoram liata thohna ama vaw patu hapa liata a hluh chai na ta pangiasapa a châ.
Sailulak he Myanmar nata India râhrina châ ta, Myanmar râh liata
khih miakha Dawn khih nahta lâthlôh pha kawpa hmâpa ta â siepahlie theipa a châ.
He lâthlôh he arulâ ta paritheipa a ngiakheina châta hmâ tyhpa a châpa ta
pahnopa châ ta, châhrasala ku ta patupa nata, Report sianô kawpa a y tyh leipa
vâta deikua patupa vaw châ tyh vei.
Târi 16.7.2019 zâ khata khata viahpa pano cha atakô kô thaona
liata Dawn khih (Myanmar)-liata âhiah ama chaleipa, Dawn khih liata ama stock-pa
cha la awpa ta vaw tlô ei ta, târi 17.7.2019 my pati nie khai tawhna khata Ṭiau-liata
ama âhiah cha la awpa ta kei kua heih ei ta, Sailulak liata Pick-up cha hmâhpa
ta sie ei ta, lathlôh liata tho a paopa vâta vaw kua heih ei ta, châhrasala he
viahpazy heta E.Lungdar liata JCB hmâpa ta âhiah he kei la pyly ei ta, amâ
pielyuzie he chyhsa thokha ta ama ngâchho leipa vâta amâ vaw liena lâ avaw byh
ei ta, he paritheipazy he ama patu hapa a châ. Athaota liata cha No.4 khiahma
tah tua ei ta, amâ vaw khiepa cha Meth tlai a châ tahpa pasia ei ta, hmô
6,00,000 dua châ ta, Local market rate-liata Rs. thysy 2000 (Lakhs) mâ po a châ
na ta pangiasapa a châ.
Biehnawh – Mizo Special Report
Read Source :
No comments